ბიუჯეტის ცვლილებით კანონით დადგენილი ნორმები ირღვევა

2015 წლის სახელმწიფო ბიუჯეტის ცვლილებით ეკონომიკური თავისუფლების შესახებ კანონით დადგენილი მაკროეკონომიკური პარამეტრების ზღვარი ირღვევა. კერძოდ, აღნიშნული კანონით განსაზღვრულია, რომ ნაერთი ბიუჯეტის ხარჯებისა და არაფინანსური აქტივების ზრდის მთლიანი მოცულობის შეფარდება მთლიან შიდა პროდუქტთან (მშპ) უნდა იყოს არა უმეტეს 30%. წარმოდგენილი ცვლილებით კი აღნიშნული მაჩვენებელი 30.4%-ს აღწევს.

2015 წლის ნომინალური მშპ-ს პროგნოზული მოცულობა 30 663.8 მლნ ლარია, ხოლო ნაერთი ბიუჯეტის ხარჯების და არაფინანსური აქტივების ზრდა 9 335 მლნ ლარი.

ეკონომიკური თავისუფლების შესახებ კანონის თანახმად, თუ საქართველოს პარლამენტის მიერ დამტკიცებული ბიუჯეტი არ შეესაბამება ამ კანონით დადგენილ ზღვრებს, საქართველოს მთავრობა ვალდებულია შეიმუშაოს და საქართველოს პარლამენტს დასამტკიცებლად წარუდგინოს შემდგომი ორი წლის ბიუჯეტების პარამეტრები, რომლებიც უნდა ითვალისწინებდეს მოცემულ პერიოდში დადგენილ ზღვრებში დაბრუნების გეგმას.

საქართველოს პარლამენტის მიერ აღნიშნული ზღვრის ან/და ზღვრების შეუსაბამო ბიუჯეტის დამტკიცება შეიძლება მხოლოდ იმ შემთხვევაში, თუ მიმდინარე წლის ბიუჯეტი ამ ზღვრის/ზღვრების შესაბამისი იყო, გარდა საგანგებო ან საომარი მდგომარეობისა ან/და ეკონომიკური რეცესიისა.

წინა სტატია

სესხი 6 წუთში
30 ივნისი, 2015

შემდეგი სტატია

მაისში საქართველოს ეკონომიკა 2.1 პროცენტით გაიზარდა
01 ივლისი, 2015
“რედბერიმ” “საქართველოს კაპიტალისგან” 3.2 მილიონი აშშ დოლარის ინვესტიცია მოიზიდა
საქართველო | მაი, 08, 2019
თეგეტა მოტორსმა თიბისი კაპიტალის დახმარებით ₾30 მილიონის ობლიგაციების ემისია განახორციელა
საქართველო | მაი, 08, 2019
ყველაზე მაღალშემოსავლიანი აუდიტორული ფირმები საქართველოში - TOP-10
რეიტინგი | მაი, 07, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა