რბილყდიანი პოპკორნი

ალბათ დროა, ძველი ინგლისური გამოთქმა შევცვალოთ: დღესდღეობით გამოსახულება ათასი სიტყვა ღირს და, ზოგჯერ, მილიარდი დოლარიც. ხუთი წიგნის პირდაპირმა კინოადაპტაციამ, ინფლაციაზე გადაანგარიშების გარეშე, ბილეთების გლობალურ გაყიდვებში $1 მილიარდს გადააჭარბა. თუ ამას კომიქსების ეკრანიზაციებსაც დავუმატებთ, სია ათამდე იზრდება (უკანასკნელი მაგალითი: “შურისმაძიებლები — ულტრონის ხანა”, რომლის გმირებმაც მაისის დასაწყისიდან $1.2 მილიარდი გამოიმუშავეს).

1973 წლის “ეშმაკის განმდევნელიდან” ($441 მილიონი) მოყოლებული, მხოლოდ 200 ყველაზე გაყიდვად ფილმს შორის წიგნების ეკრანიზაციებმა ბილეთების გაყიდვებიდან ჯამში $33.6 მილიარდი მოაგროვა (ფიქსირებულ დოლარებში). ყველაზე წარმატებული ჟანრი დღეისთვის ახალგაზრდებზე ორიენტირებული მხატვრული ლიტერატურაა. წიგნების 25 ყველაზე შემოსავლიანი ეკრანიზაციიდან 17-ს საფუძვლად ე.წ. “აკნესა და შიშების” ასაკის რომანები დაედო.

დავარქვათ ამას აკნე, შიშები და ალქიმია: ვიღაც ნორჩი ჯადოქრის 2001 წლის დებიუტმა (“ჰარი პოტერი და ფილოსოფიური ქვა”) $975-მილიონიანი შემოსავალი მოიტანა და წარმოშვა ფრანშიზა, რომელმაც სალაროებიდან კიდევ $7.7 მილიარდი მოაგროვა (სხვა ახალგაზრდული ჰიტები: “შიმშილის თამაშები”, “ბინდი” და კლაივ ლუისის “ნარნიის ქრონიკები”).

ლიტერატურულ პურისტებს შეუძლიათ წუხდნენ მთელი ამ ბავშვური ნაწერების დომინაციაზე, მაგრამ სალაროების ერთ გიგანტს მაინც აქვს შედარებით სერიოზული რეპუტაცია: 1936-ში გამოქვეყნებული მარგარეტ მიტჩელის “ქარწაღებულების” სამი წლის შემდეგ გამოსულმა ეკრანიზაციამ, 2015 წლის დოლარებზე გადაანგარიშებით, მხოლოდ აშშ-ში $1.6 მილიარდი მოაგროვა. მისი გმირები, რეტი და სკარლეტი მაშინდელ კინოში ჰარი პოტერის, ბილბოსა და ალისას ფინანსური ანალოგები იყვნენ.

რომანების ყველა დროის ათი ყველაზე შემოსავლიანი ეკრანიზაცია:

წინა სტატია

სასიამოვნო ეიფორია ეფორეა სპაში. "ჰილტონის" ექსკლუზივი ბათუმის სტუმრებს
27 ივლისი, 2015

შემდეგი სტატია

რუსული რუბლი გაუფასურების ტენდენციას დაუბრუნდა
27 ივლისი, 2015
“რედბერიმ” “საქართველოს კაპიტალისგან” 3.2 მილიონი აშშ დოლარის ინვესტიცია მოიზიდა
საქართველო | მაი, 08, 2019
თეგეტა მოტორსმა თიბისი კაპიტალის დახმარებით ₾30 მილიონის ობლიგაციების ემისია განახორციელა
საქართველო | მაი, 08, 2019
ყველაზე მაღალშემოსავლიანი აუდიტორული ფირმები საქართველოში - TOP-10
რეიტინგი | მაი, 07, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა