სექტემბერში ფულადი გზავნილები 33%-ით შემცირდა

საზღვარგარეთ დასაქმებულთა მიერ საქართველოში გადმორიცხული თანხები კლებას განაგრძობს. 2015 წლის სექტემბერში, წინა წლის სექტემბერთან შედარებით, ფულადი გზავნილები 43.5 მილიონი დოლარით (33%-ით) შემცირდა. იანვარ-სექტემბერში კი ჯამში 294 მილიონი დოლარით (27%-ით) შემცირდა.

საზღვარგარეთ დასაქმებულთა ფულადი გზავნილების კლება ძირითადად რუსეთიდან გადმორიცხვების შემცირებამ განაპირობა. მიმდინარე წლის სექტემბერში წინა წლის სექტემბერთან შედარებით, რუსეთიდან ჩამორიცხვები 30 მილიონი დოლარით (45%-ით) შემცირდა. გზავნილების შემცირების მიხედვით მეორე-მესამე ადგილებზეა საბერძნეთი და იტალია, საბერძნეთიდან 11.2 მილიონი დოლარით (63%-ით) შემცირდა, ხოლო იტალიიდან 1 მილიონი დოლარით (10.4%-ით). 1.3 მილიონი დოლარით (18%-ით) გაიზარდა გზავნილები აშშ-დან.

ფულადმა გზავნილებმა შემცირება გასული წლის ოქტომბრიდან დაიწყო და ლარის გაუფასურების ერთ-ერთი მიზეზი გახდა. ბოლო 12 თვეში გზავნილები 361 მილიონი დოლარით არის შემცირებული.

წინა სტატია

სექტემბერში სამრეწველო პროდუქციის წარმოება გაიაფდა
15 ოქტომბერი, 2015

შემდეგი სტატია

რაში უხდიან გამყიდველებს ფულს?!
16 ოქტომბერი, 2015
ნავთობის მსოფლიო ფასი 27 პროცენტით შემცირდა
მსოფლიო | ნოე, 14, 2018
ბრიტანულმა სასამართლომ ირაკლი რუხაძე Salford-ის მილიარდიანი პროექტის მითვისებაში ამხილა
საქართველო | ნოე, 07, 2018
მსოფლიოს საუკეთესო უნივერსიტეტები
ახალი ამბები ქართულად | ოქტ, 31, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა