ლარში სესხის აღება გაძვირდა

სექტემბერში ეროვნული ვალუტით გაცემულ სესხებზე საშუალო წლიური საპროცენტო განაკვეთი 1.8% პუნქტით გაიზარდა და 20.6% შეადგინა. ამასთან, ფიზიკურ პირებზე ლარში გაცემულ სესხებზე განაკვეთი 2.1% პუნქტით გაიზარდა და 24.5%-ს მიაღწია. დოლარში გაცემულ სესხებზე განაკვეთი 0.1% პუნქტით შემცირდა და 10.9%-ს გაუტოლდა.

გასულ თვეში საქართველოს კომერციული ბანკების მიერ გაცემული სესხების მოცულობა 321 მილიონი ლარით გაიზარდა. ლარში გაცემული სესხები 87 მილიონი ლარით, ხოლო დოლარში გაცემული სესხები 234 მილიონი ლარით გაიზარდა. საერთო სესხებში დოლარში გაცემული სესხების წილი 64.1%-ზე დაფიქსირდა. 2015 წლის პირველ ცხრა თვეში ლარში გაცემული სესხების მოცულობა ჯამში 563 მილიონი ლარით გაიზარდა. დოლარში გაცემული სესხები 2 185 მილიონი ლარით გაიზარდა. თუმცა, ზრდა ძირითადად ლარის კურსის გაუფასურებითაა გამოწვეული, თუ დოლარში დავიანგარიშებთ, უცხოური ვალუტით გაცემული სესხები მხოლოდ 24 მილიონი დოლარით არის გაზრდილი.

წინა სტატია

ხელოვნებისა და მიშლენის ვარსკვლავების თავშეყრა ლონდონის მეიფერის რაიონში
26 ოქტომბერი, 2015

შემდეგი სტატია

ლარში განთავსებული დეპოზიტები შემცირებას განაგრძობს
26 ოქტომბერი, 2015
NEXIA TA - წლის კომპანია საქართველოდან
კომპანიები | თებ, 15, 2018
The Reform Ambassador
Forbes Georgia in English | იან, 24, 2018
ქართული პროდუქციის 10 უმსხვილესი ექსპორტიორი კომპანია
ახალი ამბები ქართულად | იან, 30, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა