Apple-ის აღმასრულებელი ხელმძღვანელი ტიმ კუკი მილიარდერი გახდა

Apple-ის აღმასრულებელი ხელმძღვანელი ტიმ კუკი მილიარდერი გახდა

Bloomberg Billionaires Index-ის მიხედვით, Apple-ის აღმასრულებელი ხელმძღვანელი ტიმ კუკის ქონებამ 1 მილიარდ აშშ დოლარს გადააჭარბა, მას შემდეგ რაც Apple-ის საბაზრო ღირებულებამ 2 ტრილიონი აშშ დოლარი შეადგინა. ამის შესახებ Dailymail-ი წერს.

გამოცემის მიხედვით, Apple-ის ამჟამინდელი ღირებულება რეკორდულად მაღალია კომპანიის არსებობის ისტორიაში, ხოლო აქციების ფასი თითქმის 5%-ით გაიზარდა გასულ კვირას. შედარებისთვის, კომპანია Apple-ის საბაზრო კაპტიალიზაცია 350 მილიარდ აშშ დოლარს შეადგენდა, როდესაც სტივ ჯობსი გარდაიცვალა.

გამოცემის მიხედვით, ტიმ კუკი აგვისტოს ბოლომდე დამატებით კიდევ 560,000 ბონუს აქციას მიიღებს. ტიმ კუკის განცხადებით, მას სურს თავისი ქონების უმეტესი ნაწილი ქველმოქმედებაზე დახარჯოს.

Bloomberg Billionaires Index-ის მიხედვით, ყველაზე მდიდარი ადამიანის სტატუსს Amazon-ის აღმასრულებელი დირექტორი ჯეფ ბეზოსი ინარჩუნებს, რომლის ქონებაც 186 მილიარდ აშშ დოლარს შეადგენს.

ბეზოსის შემდეგ ყველაზე მდიდარი ადამიანების ჩამონათვალში მეორე ადგილს ბილ გეითსი იკავებს, რომლის ქონებაც 121 მილიარდ აშშ დოლარად არის შეფასებული, ხოლო მას მოჰყვება მარკ ცუკერბერგი, რომლის ქონებაც გასულ კვირას 100 მილიარდ აშშ დოლარს გადასცდა და ცენტიმილიარდერთა კლუბს შეუერთდა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *