მსოფლიოს უძვირფასესი ერთალაოიანი ვისკიები

თუკი წელიწადში შვიდციფრა თანხაზე ნაკლებს გამოიმუშავებთ და ამავდროულად შოტლანდიური ვისკის მოყვარული ბრძანდებით, ალბათ გულს გიხეთქავთ ფასი, რომელსაც ხანდახან ერთ ბოთლ სკოჩში იხდიან. მართლა შესაძლებელია, ისე გიყვარდეს სკოჩი, რომ ერთი ჭიქის სანაცვლოდ მსოფლიოს საუკეთესო უნივერსიტეტში სწავლის საფასური გადაიხადო?

თუმცა საქმე მხოლოდ სიყვარულში როდია. გიგანტური თანხების დიდი ნაწილი სარფიანი ინვესტიციაა. შოტლანდიური ერთალაოიანი, ლიმიტირებული წარმოების ექსტრაორდინალური ვისკიები მდიდრებისთვის კიდევ უფრო გამდიდრების მშვენიერი გზაა. ამას მოწმობს ფაქტი, რომ ბოლო 10 წლის განმავლობაში, კრიზისის თანმდევი ვარდნის დროს, უძვირფასეს ვისკიებზე ფასი საშუალოდ 105%-ით გაიზარდა.

10 წლის წინ, ყველაზე ძვირფასი ერთალაოიანი ვისკის ბოთლი, რომელიც ერთ დასხდომაში დაილია,  Dalmore 62 იყო. ექვსმა ბიზნესმენმა $58,000-ად შეძენილი ბოთლი დაცალა. „ჩაის“ სანაცვლოდ, მიმტანისთვის მათ ბოთლში უკანასკნელი ყლუპი ჩატოვეს, რომლის ფასიც დაახლოებით $1,700-ს შეადგენდა. თუმცა 2015 წელს $58,000 უკვე სასაცილო ფასია. უძვირფასესი ლიმიტირებული ჩამოსხმის შესაძენად ეს თანხა არ გეყოფათ, მაგრამ არასააუქციონო, ამჟამადაც ბაზარზე განთავსებული ბოთლებისთვის – საკმარისია და თურმე მათგან მხოლოდ მაუსის რამდენიმე დაწკაპუნება გაშორებთ. წელს, wine-searcher-მა გააანალიზია ინტერნეტში წარმოდგენილი 50,700 საცალო გამყიდველის ფასები. წარმოგიდგენთ უძვირესი ერთალაოიანი ვისკიების სამეულს, რომელშიც ამ წამსვე შეგიძლიათ ფულის დაბანდება.

The Balvenie, 50 წლის. საშუალო ფასი: $36,141, მაქსიმალური ფასი: $50,000.


 

The Macallan Lalique, 62 წლის. საშუალო ფასი: $33,450, მაქსიმალური ფასი: $47,483.

 

Glenfiddich, 50 წლის. საშუალო ფასი: $21,867, მაქსიმალური ფასი: $39,699

ბაზარზე განთავსებული უძვირფასესი ვისკიების სამეულიდან ორ მარკას – Balvanie-სა და Glenfiddich-ს ერთი კომპანია – William Grant and Sons-ი აწარმოებს. გაყიდვების მათეული რეკორდსმენი ჯენეტ შიდ რობერტსის სახელობის Glenfiddich-ია. ეს კასრი 1955 წლის შემდეგ ძველდებოდა. როდესაც ჯენეტ შიდ რობერტსი, Glenfiddich-ის დამფუძნებლის, ვილიამ გრანტის შვილიშვილი 110 წლის ასაკში გარდაიცვალა, კომპანიამ გადაწყვიტა მისთვის პატივი მიეგო და ზემოხსენებული კასრიდან 15 ბოთლი ჩამოსხა. 4 ბოთლი ოჯახმა დაიტოვა, დარჩენილი 11 კი აუქციონზე მოხვდა. ერთ-ერთმა დამფასებელმა ატლანტიდან ბოთლში $94,000 გადაიხადა. 2015 წლის მონაცემებით ეს მსოფლიოში მეოთხე ყველაზე ძვირი ფასია, რაც ერთ ბოთლ სკოჩში გადაუხდიათ.

წინა სტატია

რატომ იზრდება სწრაფად საქართველოს სახელმწიფო ვალი?
12 ნოემბერი, 2015

შემდეგი სტატია

ოქტომბერში საქართველოს ექსპორტი 31 პროცენტით შემცირდა
13 ნოემბერი, 2015
რომელ ბანკებს აქვთ ყველაზე მეტი “უმოქმედო სესხი”
ახალი ამბები ქართულად | ნოე, 19, 2018
10 ქვეყანა, რომლის მოქალაქეებიც საქართველოში ვიზიტისას ყველაზე მეტ ფულს ხარჯავენ
ახალი ამბები ქართულად | დეკ, 05, 2018
საქართველოს ბანკი QR გადახდებს ნერგავს
საქართველო | დეკ, 05, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა