2020 წლის მესამე კვარტლის მდგომარეობით ქვეყანაში უმუშევარი 219 ათასი მოქალაქეა

2020 წლის მესამე კვარტლის მდგომარეობით, ქვეყანაში 1,628 მლნ ადამიანია დასაქმებული, 219 ათასი მოქალაქე კი უმუშევარია. ის რომ ქვეყანაში უმუშევრობის დონე გაიზარდა, პანდემიის ნეგატიური შედეგებიდან გამომდინარე, ალბათ გასაკვირი არც არის. სტატისტიკის ეროვნული სამსახურის მიერ გავრცელებული ოფიციალური მონაცემებიდან ირკვევა, რომ მესამე კვარტალში საქართველოში უმუშევრობის დონე წინა წლის შესაბამის პერიოდთან შედარებით 0.8 პროცენტული პუნქტით არის გაზრდილი და 11.9%-ს შეადგენს. საანგარიშო პერიოდში უმუშევრობის მაჩვენებელი განსაკუთრებით ქალაქებში, 2,2 პროცენტული პუნქტით გაიზარდა.

ეკონომიკურად აქტიური მოსახლეობის დონესთან ერთად, ქვეყნის მასშტაბით, 1.9 პროცენტული პუნქტით არის შემცირებული დასაქმების დონეც.

2020 წლის მესამე კვარტლის მდგომარეობით, 15 წლის და უფროსი ასაკის მოსახლეობა ეკონომიკური აქტივობის მიხედვით ასე ნაწილდება:

სამუშაო ძალა - 1,847 მილიონი ( -55 000 წინა წლის ანალოგიურ პერიოდთან შედარებით); 
დასაქმებული - 1,628 მილიონი (-63 000 წინა წლის ანალოგიურ პერიოდთან შედარებით);
დაქირავებული - 805 ათასი (50 000 წინა წლის ანალოგიურ პერიოდთან შედარებით);
თვითდასაქმებული - 822 ათასი (-13 000 წინა წლის ანალოგიურ პერიოდთან შედარებით);
უმუშევარი - 219 ათასი (-8 000 წინა წლის ანალოგიურ პერიოდთან შედარებით);
მოსახლეობა სამუშაო ძალის გარეთ - 1,189 მილიონი (-48 000 წინა წლის ანალოგიურ პერიოდთან შედარებით);

უმუშევრობის დონის ზრდის მთავარ მიზეზად ეკონომისტები პანდემიის გამო შექმნილ ეკონომიკურ კრიზისს ასახელებენ. ანალიტიკოსების ნაწილი არ გამორიცხავს, რომ რეალური რიცხვები გაცილებით მეტი იყოს, ვიდრე ამას საქსტატი აღრიცხავს.

ჩვენ გირჩევთ

მსოფლიოს 10 ყველაზე ძვირადღირებული ქალაქი – რეიტინგში პანდემიის გამო ცვლილებებია

რა გამოწვევები არსებობს ვაქცინის მასობრივი წარმოებისა და ტრანსპორტირების კუთხით?

მსოფლიოს 10 ყველაზე ძვირადღირებული ქალაქი – რეიტინგში პანდემიის გამო ცვლილებებია

მსოფლიოს 10 ყველაზე ძვირადღირებული ქალაქი – რეიტინგში პანდემიის გამო ცვლილებებია

წინა სტატია

G-20 nations have now deployed $11 trillion to support a post-Covid economic recovery
20 November, 2020

შემდეგი სტატია

The World’s Most Expensive Face Mask Costs $1.5 Million And Keeps Jewelry Artisans Employed
23 November, 2020
ილონ მასკი: ოთხი კოვიდ-ტესტი ჩავიტარე, მათგან ორი დადებითი იყო, ორი უარყოფითი
ახალი ამბები ქართულად | Nov, 13, 2020
მთელი ქალაქი შენს სმარტფონში
ინტერვიუ | Nov, 23, 2020
ესპანეთში COVID-ინფიცირებული ჰოსპიტალიზებული პაციენტების 82%-ს D ვიტამინის ნაკლებობა აქვს - კვლევა
ახალი ამბები ქართულად | Nov, 02, 2020
Forbes Georgia in EnglishForbes WomanForbes Banker