აზერბაიჯანული მანათი ერთ დღეში 47 პროცენტით გაუფასურდა

ორშაბათს, 21 დეკემბერს, აზერბაიჯანული ვალუტა – მანათი დოლარის მიმართ 47%-ით გაუფასურდა. ამის მიზეზი აზერბაიჯანის მიერ სავალუტო რეჟიმის ცვლილება გახდა. აზერბაიჯანს ჰქონდა ფიქსირებული კურსის რეჟიმი, ანუ სახელმწიფო გარანტი იყო, რომ ეროვნული ვალუტის კურსი დოლარის მიმართ არ შეიცვლებოდა, კურსს ვალუტაზე მოთხოვნა-მიწოდება არ განსაზღვრავდა. 21 დეკემბრიდან კი აზერბაიჯანი მცურავი კურსის რეჟიმზე გადავიდა და მანათის ფასი სავალუტო ბაზარმა განსაზღვრა.

სავალუტო რეჟიმის ცვლილების მთავარი მიზეზი გაიაფებული ნავთობი და გაზია, რამაც აზერბაიჯანს სავალუტო შემოსავლები მნიშვნელოვნად შეუმცირა და აღარ შესწევდა ძალა, კურსის ფიქსირებისთვის უცხოური ვალუტის რეზერვები დაეხარჯა, მიუხედავად იმისა, რომ თებერვლის ბოლოს მანათის კურსის 35%-იანი დევალვირება განახორციელა. ჯამში, მიმდინარე წლის თებერვლიდან დღემდე, მანათი დოლარის მიმართ 98%-ით გაუფასურდა და ერთი დოლარი 1.55 მანათი ღირს.

2015 წლის დასაწყისში აზერბაიჯანის უცხოური ვალუტის ოფიციალური რეზერვები 14 მილიარდ დოლარამდე იყო, წლის განმავლობაში 7 მილიარდი დოლარი გაიყიდა კურსის შესანარჩუნებლად, მაგრამ ბოლოს მაინც მცურავ კურსზე გადასვლა და კურსის გაუფასურება მოუწიათ.

წინა სტატია

კერძო დაზღვევის ახალი იმედი L
22 December, 2015

შემდეგი სტატია

გზა წარმატებისკენ. დღეგრძელობას გისურვებთ!
23 December, 2015
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
2021 წლის ყველაზე ძლიერი პასპორტები მსოფლიოში - რომელ ადგილზეა საქართველო?
ახალი ამბები ქართულად | Jan, 14, 2021
A New Trend in the Development Sector
კომპანიები | Dec, 25, 2020
Forbes Georgia in EnglishForbes WomanForbes Banker