სავალუტო ბირჟაზე ლარის კურსმა 2.48-ს მიაღწია

ლარის ოფიციალური გაცვლითი კურსი დოლარის მიმართ 2.44-ია, თუმცა ბლუმბერგის ბანკთაშორის სავაჭრო ბირჟაზე (საიდანაც ეროვნული ბანკი ლარის ოფიციალურ კურსს ადგენს) დღეს ლარის კურსმა 2.48-ს მიაღწია.

ლარის გაუფასურების ტრენდზე დაბრუნება, ძირითადად ბოლო დღეებში საქართველოს მეზობელი და ამავე დროს მსხვილი სავაჭრო პარტნიორი ქვეყნების ეროვნული ვალუტების მნიშვნელოვნად გაუფასურებას უკავშირდება.

ფორბსთან საუბარში ეკონომისტი ბესო ნამჩავაძე აცხადებს, რომ „მართალია ბოლო დღეებში გაძლიერდა საგარეო ფაქტორების ზეწოლა, მაგრამ ერთ დღეში 3 თეთრით გაუფასურება აშკარად პანიკის ელემენტებს მოიცავს. მოსახლეობას დაუგროვდა საკმაოდ ნეგატიური გამოცდილება ლარის კურსის მიმართ. ეროვნული ვალუტის მიმართ ნდობა შემცირებულია. გაუფასურების კონტრზომებს რაც შეეხება, მიუხედავად იმისა, რომ ლარის გაუფასურების ახალ ტრენდში შიდა ფაქტორების წილი მინიმალური შეიძლება იყოს, ხელისუფლება - მთავრობაც და ეროვნული ბანკიც უნდა გააქტიურდნენ კოორდინირებულად. აუცილებელია ბიუჯეტიდან ყოველდღიური ხარჯვაც კი არ იყოს დეფიციტური. მთავრობამ დეპოზიტზე უნდა დააგროვოს მიღებული შემოსავლების ნაწილი. თუ ლარის გაუფასურება მომდევნო დღეებშიც გაგრძელდება სახელმწიფო ბიუჯეტში ხარჯები უნდა შემცირდეს. უახლოეს პერიოდში, პანიკის ელემენტის კურსიდან მოსახსნელად გარკვეული სავალუტო ინტერვენცია იქნება საჭირო. საშუალო ვადიან პერიოდში კი მთავრობამ უნდა დააჩქაროს მსხვილი ინფრასტრუქტურული პროექტების დაწყება, მაგალითად ანაკლიის პორტის მშენებლობა, რაც დოლარის მნიშვნელოვან ნაკადს შემოიტანს ქვეყანაში.

წინა სტატია

კენიაში შესაძლოა Netflix–ი აკრძალონ
22 January, 2016

შემდეგი სტატია

ლარის ოფიციალურმა კურსმა რეკორდულ ნიშნულს მიაღწია
22 January, 2016
ილონ მასკი: ოთხი კოვიდ-ტესტი ჩავიტარე, მათგან ორი დადებითი იყო, ორი უარყოფითი
ახალი ამბები ქართულად | Nov, 13, 2020
მთელი ქალაქი შენს სმარტფონში
ინტერვიუ | Nov, 23, 2020
ესპანეთში COVID-ინფიცირებული ჰოსპიტალიზებული პაციენტების 82%-ს D ვიტამინის ნაკლებობა აქვს - კვლევა
ახალი ამბები ქართულად | Nov, 02, 2020
Forbes Georgia in EnglishForbes WomanForbes Banker