მაისში ბანკების მიერ ლარში გაცემული სესხები 14.3 მილიონით გაიზარდა

2016 წლის მაისში, წინა თვესთან (აპრილთან) შედარებით, საქართველოს კომერციული ბანკების მიერ (ბანკთაშორისი სესხების გარეშე) ლარში გაცემული სესხების მოცულობა 14.3 მილიონი ლარით, ხოლო უცხოურ ვალუტაში გაცემული სესხები 44 მილიონი დოლარით გაიზარდა. ბოლო ერთ წელიწადში ლარში გაცემული სესხები 339 მილიონით, უცხოურ ვალუტაში გაცემული კი 327 მილიონი დოლარით გაიზარდა.

საერთო სესხებში უცხოურ ვალუტაში გაცემული სესხების წილი 63.1%-ზე დაფიქსირდა. ერთი წლის წინ ეს მაჩვენებელი 64.6% იყო.

მაისში ვადაგადაცილებული სესხების მოცულობა 6 მილიონი ლარით გაიზარდა და 361 მილიონი ლარი შეადგინა. მთლიანი საკრედიტო პორტფელის მიმართ ვადაგადაცილებული სესხების მოცულობა 2.35%-ია, რაც საგანგაშო მაჩვენებელი არ არის. აღნიშნული მაჩვენებელი 2015 წლის პირველ ივნისს 2.40% იყო.

2016 წლის მაისში ლარში გაცემულ სესხებზე საშუალო წლიური საპროცენტო განაკვეთი 0.9% პუნქტით შემცირდა და 20.3% შეადგინა. დოლარში გაცემულ სესხებზე განაკვეთი 0.2% პუნქტით გაიზარდა და 9.9%-ს გაუტოლდა

წინა სტატია

The Saga of Deehubs: A Revolutionary Social Network
27 ივნისი, 2016

შემდეგი სტატია

1 დოლარი 2.34 ლარი ღირს
27 ივნისი, 2016
ტამანის პორტი მზად არის 220 000 ტონიანი სატვირთო გემების მისაღებად
ახალი ამბები ქართულად | ივნ, 29, 2020
"ან მდიდარი უნდა იყო, ან მდიდრის მეზობელი" – უმსხვილესი თურქი ინვესტორის, გალიფ ოზთურქის გეგმები საქართველოში
ინტერვიუ | ივლ, 07, 2020
21 მილიარდერი და მათი პირველი მილიონი დოლარი
ახალი ამბები ქართულად | ივნ, 25, 2020
Forbes Georgia in EnglishForbes WomanForbes Banker