ივნისში საქართველოს ექსპორტი ევროკავშირში 19%-ით შემცირდა

ივნისში საქართველოს ექსპორტი ევროკავშირში 19%-ით შემცირდა

საქართველოს სტატისტიკის ეროვნული სამსახურის ინფორმაციით, მიმდინარე წლის ივნისში საქართველოს საქონლის ექსპორტი ევროკავშირის ქვეყნებში 19%-ით (9.8 მლნ აშშ დოლარით) შემცირდა. ივნისში ევროკავშირში ქართული პროდუქციის ექსპორტმა 41 მლნ აშშ დოლარი შეადგინა. ევროკავშირში ექსპორტის შემცირება ბულგარეთში და ესპანეთში საქართველოს ექსპორტის 10 და 7 მლნ აშშ დოლარით შემცირებამ განაპირობა. მნიშვნელოვანი ზრდა დაფიქსირდა იტალიის და გერმანიის მიმართულებით, შესაბამისად 2.5 და 1.7 მლნ აშშ დოლარით.

დსთ-ს ქვეყნებში ექსპორტი 26%-ით (21 მლნ აშშ დოლარით) შემცირდა. ყველაზე დიდი შემცირება დაფიქსირდა სომხეთის (8.3 მლნ აშშ დოლარით) და უზბეკეთის (7 მლნ აშშ დოლარით) მიმართულებით. 4.6 მლნ დოლარით შემცირდა ექსპორტი აზერბაიჯანის მიმართულებით.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *