მთავრობამ ბიუჯეტის მხარდამჭერი საგარეო დაფინანსების მხოლოდ 1.5% მიიღო

მთავრობამ ბიუჯეტის მხარდამჭერი საგარეო დაფინანსების მხოლოდ 1.5% მიიღო

2016 წლის სახელმწიფო ბიუჯეტის კანონით, წელს საქართველომ დონორების მიერ გამოყოფილი ბიუჯეტის მხარდამჭერი გრანტების და კრედიტების სახით 520 მლნ ლარი (დაახლოებით 217 მლნ დოლარი) უნდა მიიღოს. თუმცა, იანვარ-ოქტომბრის მდგომარეობით, მხოლოდ 7.7 მლნ ლარის ბიუჯეტის მხარდამჭერი გრანტია ჩამორიცხული, რაც წლიური გეგმის (გრანტები და კრედიტები ერთად) 1.5%-ია.

გასული კვარტლების გეგმების შესრულებას თუ ვნახავთ, პირველი და მეორე კვარტლის გეგმები 0%-ით შესრულდა, ხოლო მესამე კვარტალში ზემოთ აღნიშნული 7.7 მლნ ლარი ჩაირიცხა.

ბიუჯეტის მხარდამჭერი გრანტების და კრედიტების ვერ მიღების გამო, იანვარ-სექტემბერში საქართველოს დაახლოებით 160 მლნ დოლარის სავალუტო შემოსავალი დააკლდა, რომლის მიღებაც მნიშვნელოვანი იქნებოდა ლარის კურსის სტაბილურობისთვის. მთავრობას სულ ცოტა დრო რჩება, რომ გამოყოფილი საგარეო დაფინანსება წლის ბოლომდე სრულად აითვისოს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *