2016 წელს საქართველოს ექსპორტი 4 პროცენტით შემცირდა

საქართველოს სტატისტიკის ეროვნული სამსახურის წინასწარი მონაცემებით, 2016 წელს საქართველოს საქონლის ექსპორტი 4%-ით (91 მლნ დოლარით) შემცირდა, ხოლო იმპორტი 28%-ით (2 141 მლნ დოლარით) გაიზარდა. “ც ჰეპატიტის“ სამკურნალო საშუალებების გამოკლებით, იმპორტი 0.4%-ით არის შემცირებული.

2016 წელს 2.1 მილიარდი დოლარის ექსპორტი განხორციელდა, ხოლო 2015 წელს 2.2 მილიარდი დოლარის. საქართველოს ექსპორტმა შემცირება 2014 წლიდან დაიწყო, აქედან გამომდინარე, 2016 წელს 2013 წელთან შედარებით ექსპორტი 27%-ით არის შემცირებული. 2016 წელს იმპორტმა 9.9 მილიარდი დოლარი შეადგინა, თუმცა აქედან დაახლოებით 2.6 მილიარდი დოლარის გრანტის სახით მიღებული „ც ჰეპატიტის“ სამკურნალო საშუალებეია.

2016 წელს უარყოფითმა სავაჭრო ბალანსმა 7.7 მილიარდი დოლარი შეადგინა, რაც 2015 წლის ანალოგიურ მაჩვენებელზე 2.2 მილიარდი დოლარით მეტია. ცალკე აღებულ დეკემბრის თვეში ექსპორტი 5.2%-ით (9.6 მლნ დოლარით), ხოლო იმპორტი 13.2%-ით (112 მლნ დოლარით) გაიზარდა. საგარეო ვაჭრობის დეტალური მაჩვენებლები 20 იანვარს გამოქვეყნდება.

წინა სტატია

წყალი ჩვენი არსობისა
16 January, 2017

შემდეგი სტატია

2016 წელს ფულადი გზავნილები 71 მლნ დოლარით გაიზარდა
16 January, 2017
ილონ მასკი: ოთხი კოვიდ-ტესტი ჩავიტარე, მათგან ორი დადებითი იყო, ორი უარყოფითი
ახალი ამბები ქართულად | Nov, 13, 2020
მთელი ქალაქი შენს სმარტფონში
ინტერვიუ | Nov, 23, 2020
Pfizer-ის ვაქცინის პირველი საჰაერო ტრანსპორტირება განხორციელდა
ახალი ამბები ქართულად | Dec, 01, 2020
Forbes Georgia in EnglishForbes WomanForbes Banker