ეროვნულმა ბანკმა რეფინანსირების განაკვეთი 7.25 პროცენტამდე გაზარდა

საქართველოს ეროვნული ბანკმა რეფინანსირების განაკვეთი 25 საბაზისო პუნქტით, 7.25 პროცენტამდე გაზარდა.

ბანკის პროგნოზით, ინფლაციის მაჩვენებელი 2018 წლის დასაწყისიდან, დროებითი ფაქტორების ამოწურვასთან ერთად, შემცირებას დაიწყებს. საგრძნობლად გაუფასურდა ნომინალური ეფექტური გაცვლითი კურსი, რამაც, წინა პროგნოზთან შედარებით, გაზარდა ზეწოლა ინფლაციაზე. ამასთანავე, ბოლო ორი თვის ბაზრის კვლევის ინდიკატორები ინფლაციური მოლოდინების ზრდაზე მიუთითებს. ზემოთქმულიდან გამომ­დინარე, საშუალოვადიან პერიოდში ინფლაციის შემცირების მიზნით, მონეტარული პოლიტიკის რეაგირების საჭიროება გამოიკვეთა. მონეტარული პოლიტიკის შემდგომი გამკაცრების ზომა და ხანგრძლივობა დამოკიდებული იქნება იმაზე, თუ რამდენად სწრაფად შემცირდება ნომინალური ეფექტური გაცვლითი კურსიდან ფასებზე მომდინარე ზეწოლა.

ნოემბერში წლიურმა ინფლაციამ 6.9 პროცენტი შეადგინა, რაც, სხვა ფაქტორებთან ერთად, განაპირობა მიმდინარე წლის მეორე ნახევარში ნავთობის საერთაშორისო ფასების 40%-ის ფარგლებში ზრდამ. ერთჯერადი ფაქტორების, მათ შორის სააქციზო გადასახადების ზრდის, გავლენა ინფლაციის მაჩვენებელზე დაახლოებით 3 პროცენტულ პუნქტს შეადგენს.

მონეტარული პოლიტიკის კომიტეტის შემდეგი სხდომა 2018 წლის 31 იანვარს გაიმართება.

ეროვნულმა ბანკი ლარის კურსი რეფინანსირების განაკვეთი მონეტარული პოლიტიკა ინფლაცია

წინა სტატია

Georgia rates 108th in the world with import volume
12 December, 2017

შემდეგი სტატია

ქვეყნის მთავარი მომმარაგებელი
13 December, 2017
A New Trend in the Development Sector
კომპანიები | Dec, 25, 2020
მასკის თქმით, მან ერთხელ Apple-ის CEO-ს ტიმ კუკს მიმართა Tesla-ს შეძენის თხოვნით
ახალი ამბები ქართულად | Dec, 23, 2020
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
Forbes Georgia in EnglishForbes WomanForbes Banker