Fitch ქართულ ბანკებს აფასებს

სარეიტინგო სააგენტომ Fitch სამ ქართულ ბანკს Basisbank-ს, ქართუს და ხალიკ ბანკს რეიტინგი მიანიჭა. 

ბაზისბანკსა და ბანკ ქართუს სააგენტომ რეიტინგი 'B+'  მიანიჭა, ხოლო ხალიკ ბანკს კი 'BB-. ამასთან, სააგენტომ ქართულ პროგნოზი სტაბილურიდან ნეგატიურამდე შეამცირა.  

სარეიტინგო სააგენტო Fitch-მა ბაზისბანკს საერთაშორისო საკრედიტო რეიტინგი გაუზარდა. გრძელვადიანი რეიტინგი (Long Term Issuer Default Rating) “B” დან „B+“ მდე, გრძელვადიანი რეიტინგის პროგნოზი კი დაუდასტურა, როგორც “სტაბილური”. 

Fitch-ის თანახმად, ბაზისბანკის რეიტინგის ზრდა მისმა ფინანსურმა მაჩვენებლებმა, კერძოდ - კაპიტალიზაციის და ლიკვიდობის მაღალმა მაჩვენებელმა და საკრედიტო პორტფელის მაღალმა ხარისხმა განაპირობა. 

Fitch აღნიშნავს, რომ ბაზისბანკსა და ბანკ ქართუში სესხების დოლარიზაციის მაჩვენებელი საკმაოდ მაღალია და პირველ შემთხვევაში 68%-ს, ხოლო მეორე შემთხვევაში კი 71%-ს შეადგენს.  

ხალიკ ბანკის რეიტინგზე კი მისი ყაზახური მფლობელი ბანკის (Halyk Bank of Kazakhstan)  რეიტინგი ახდენს გავლენას.  

Fitch მიიჩნევს, რომ ბაზისბანკის მოგება სესხების და დაკრედიტებს ზრდის პარალელურად გაიზრდება, ამასთან ვადაგადაცილებული სესხების მოცულობა ბანკში მხოლოდ 2,2%-ს შეადგენს.  

Fitch ამ ეტაპზე რეიტინგს 7 ქართულ ბანკს ანიჭებს: TBC ბანკს, საქართველოს ბანკს, ლიბერთი ბანკს, პროკრედიტ ბანკს, ქართუ ბანკს, ბაზისბანკს და ხალიკ ბანკს. ქართული საბანკო სექტორის მთავარ ორ რისკად Fitch მაღალ დოლარიზაციას და გარე ეკონომიკურ შოკებს ასახელებს. 

Fitch Ratings Fitch სარეიტინგო სააგენტო ქართული საბანკო სისტემა

წინა სტატია

Geocell-ის შეძენა ყაზახებს სურთ
19 დეკემბერი, 2017

შემდეგი სტატია

ნოემბერში კომერციული ბანკების მოგებამ 48 მილიონი ლარი შეადგინა
20 დეკემბერი, 2017
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
რამდენი მილიონი ლარის შემოსავალი აქვს Adjarabet-ს
ახალი ამბები ქართულად | სექ, 18, 2020
Forbes Georgia in EnglishForbes WomanForbes Banker