საფინანსო სფეროს კომპანიებმა ერთ წელში 4,4 მლრდ ლარის შემოსავალი მიიღეს

გასულ წელს საქართველოში საფინანსო მომსახურების საქმიანობით დაკავებული 2384 საწარმო ფუნქციონირებდა, რომელთა დეკლარირებულმა შემოსავლებმა 4431,3 მლნ. ლარი შეადგინა. სტატისტიკის სამსახურის მონაცემებით, აქედან საპროცენტო და მასთან გათანაბრებული შემოსავლები 71,1%-ით განისაზღვრა, საკომისიოები და შემოსავლები გაწეული მომსახურებიდან 10,9%-ს შეადგენს, ხოლო დარჩენილი 18,0% სხვა შემოსავლებზე მოდის. 

2016 წელს საფინანსო მომსახურების საქმიანობით დაკავებული საწარმოების ხარჯებმა 3628,9 მლნ. ლარი შეადგინა, საიდანაც 35,4% წარმოადგენს საპროცენტო ხარჯებს. დასაქმებულთა შრომის ანაზღაურებაზე 720,7 მლნ. ლარი დაიხარჯა, ხოლო საქონლისა და მომსახურების ყიდვებზე გაწეული ხარჯები 548,6 მლნ. ლარით განისაზღვრა.

2016 წლის დასაწყისისათვის საფინანსო მომსახურების საქმიანობით დაკავებული საწარმოების სალაროში განთავსებული იყო 1226,0 მლნ. ლარი ნაღდი ფულის სახით, ხოლო წლის ბოლოს მისი მოცულობა - 1340,7 მლნ. ლარს გაუტოლდა. 2016 წელს საფინანსო მომსახურების საქმიანობით დაკავებული საწარმოების ფიქსირებულ აქტივებში განხორციელდა 502,7 მლნ. ლარის ინვესტიცია. 2016 წლის ბოლოსთვის ფიქსირებული და არაწარმოებული აქტივების ნარჩენმა (საბალანსო) ღირებულებამ 1427,3 მლნ. ლარი შეადგინა.

2016 წელს საფინანსო მომსახურების საქმიანობით დაკავებულ საწარმოებში დასაქმებულთა საშუალო წლიური რაოდენობა შეადგენდა 36,9 ათას კაცს, რომელთაგან 59,1% ქალი იყო.

საფინანსო სფერო საქსტატი შემოსავალი

წინა სტატია

WTO: თანამედროვე ვაჭრობაში გადამწყვეტი დროა
21 დეკემბერი, 2017

შემდეგი სტატია

European Commission evaluates visa liberalization process in Georgia
21 დეკემბერი, 2017
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker