სად არის სასტუმროს ყველაზე მაღალი ფასები საქართველოში

თებერვლის მონაცემებით, საქართველოს მასშტაბით 3-ვარსკვლავიანი სასტუმროების საშუალო ფასმა 136 ლარი შეადგინა. სამვარსკვლავიან სასტუმროთა შორის ყველაზე მაღალი დღიური განაკვეთი მცხეთა-მთიანეთის რეგიონში დაფიქსირდა (საშუალოზე 56%-ით მაღალი).

4-ვარსკვლავიანი სასტუმროების საშუალო ფასმა თებერვალში 198 ლარი შეადგინა. იანვრის მსგავსად, საშუალოდ ყველაზე ძვირი 4-ვარსკვლავიანი სასტუმროები მცხეთა-მთიანეთის რეგიონშია (საშუალოზე 52%-ით მაღალი).

5-ვარსკვლავიან სასტუმროთა საშუალო დღიურმა განაკვეთმა 2018 წლის თებერვლის თვეში 363 ლარი შეადგინა. თბილისში, ამ ტიპის სასტუმროებში, სტანდარტული 2 ადგილიანი ნომრის საშუალო ფასმა 591 ლარი შეადგინა, კახეთში - 297 ლარი, აჭარაში - 207 ლარი, ხოლო სამცხე-ჯავახეთში - 358 ლარი.

საოჯახო ტიპის სასტუმროების საშუალო ფასმა თებერვალში 86 ლარი შეადგინა. თებერვალში ყველაზე მაღალი ფასი საოჯახო ტიპის სასტუმროებში ქვემო ქართლის, გურიის, მცხეთა-მთიანეთის და სამეგრელო-ზემო სვანეთის რეგიონებში დაფიქსირდა.

PMCG-ის ინფორმაციით, სასტუმროების ფასების ინდექსი თებერვალში, იანვრის თვესთან შედარებით, 2.2%-ით შემცირდა. სასტუმროების სტანდარტული ორ ადგილიანი ნომრების ფასები, იანვრის ფასებთან შედარებით, ყველაზე მეტად შემცირდა რაჭაში და თბილისში, ფასების ყველაზე მაღალი ზრდა დაფიქსირდა მცხეთა-მთიანეთში. დანარჩენ რეგიონებში ფასებმა სტაბილურობა შეინარჩუნა. აღსანიშნავია, რომ თებერვალში, იანვართან შედარებით საერთაშორისო ვიზიტორების რაოდენობა მხოლოდ 1%-ით შემცირდა, ხოლო 24 საათით და მეტი დროით (ტურისტი), თებერვალში იანვართან შედარებით, საქართველოში 6%-ით ნაკლები საერთაშორისო ვიზიტორი გაჩერდა. 

ჩვენ გირჩევთ

წლის ყველაზე მსხვილი სადაზღვევო კომპანიები საქართველოში

ცუკერბერგის ქონება ერთ საათში $5.1 მილიარდით შემცირდა

წლის ყველაზე მსხვილი სადაზღვევო კომპანიები საქართველოში

წლის ყველაზე მსხვილი სადაზღვევო კომპანიები საქართველოში

სასტუმროები სასტუმროების ფასები PMCG

წინა სტატია

Ambit Mining! Every bit secured.
21 March, 2018

შემდეგი სტატია

GIG is planning to buy KazTransGaz Tbilisi
20 March, 2018
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
2021 წლის ყველაზე ძლიერი პასპორტები მსოფლიოში - რომელ ადგილზეა საქართველო?
ახალი ამბები ქართულად | Jan, 14, 2021
Life Without Limits
Forbes Georgia in English | Jan, 14, 2021
Forbes Georgia in EnglishForbes WomanForbes Banker