მარტში ფულადი გზავნილები 17 პროცენტით გაიზარდა

მარტში ფულადი გზავნილები 17 პროცენტით გაიზარდა

საზღვარგარეთ დასაქმებულთა მიერ საქართველოში გადმორიცხული თანხები 2018 წლის მარტში 2017 წლის მარტთან შედარებით 19 მლნ დოლარით (17%-ით) გაიზარდა. მარტში სულ 131 მლნ დოლარი გადმოირიცხა, რაც მარტის თვის რეკორდული მაჩვენებელია. არასდროს მარტში საქართველოში 131 მლნ და მეტი თანხა არ გადმორიცხულა.

მარტში საქართველოდან საზღვარგარეთ 21 მლნ დოლარი გადაირიცხა, რაც 4 მლნ დოლარით მეტია 2017 წლის მარტის მაჩვენებელზე.

იანვარ-მარტში, ჯამში, 355 მლნ დოლარი გადმოირიცხა, რაც 2017 წლის იანვარ-მარტის მაჩვენებელზე 22.4%-ით (65 მლნ დოლარით) მეტია.

მარტში საზღვარგარეთიდან ფულადი გზავნილების ზრდა მნიშვნელოვანწილად იტალიიდან, ისრაელიდან, საბერძნეთიდან, თურქეთიდან და აშშ-დან გადმორიცხვების ზრდამ განაპირობა.

ცხრილი: ქვეყნები, საიდანაც ფულადი გზავნილები ყველაზე მეტად გაიზარდა, მლნ დოლარი

ქვეყანა

მარტი, 2017

მარტი, 2018

ზრდა

იტალია

11.1

15.5

4.4

ისრაელი

8.6

13

4.4

საბერძნეთი

11.5

13.7

2.2

თურქეთი

9.2

10.6

1.4

აშშ

11.8

13

1.2

წყარო: ეროვნული ბანკი

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *