რამდენად ხშირად იყენებენ საბანკო სერვისებს საქართველოსა და მსოფლიოში

საქართველოში საფინანსო ინსტიტუტში ანგარიში მოსახლეობის 61.2%-ს აქვს გახსნილი, რაც ჩამოუვარდება ევროპისა და ცენტრალური აზიის ქვეყნების საშუალო მაჩვენებელს. მსოფლიო ბანკის კვლევის მიხედვით, აღნიშნულ რეგიონში ანგარიში საფინანსო ინსტიტუტში მოსახლეობის საშუალოდ 65.1%-ს აქვს გახსნილი. აღსანიშნავია, რომ იმ მოსახლეობის წილი, ვისაც ანგარიში აქვს ბოლო წლებში საქართველოში მკვეთრად გაიზარდა, - 2014 წელს მსგავსი მოსახლეობის წილი მხოლოდ 36.7% იყო. 

მსოფლიო ბანკის The Global Findex-ის მიხედვით, საფინანსო ინსტიტუტში ანგარიში 2014-დან 2017 წლების ჩათვლით, 515 მილიონმა ზრდასრულმა ადამიანმა გახსნა, რაც იმას ნიშნავს, რომ მსოფლიო მოსახლეობის 69%-ს ბანკში თუ სხვა საფინანსო ინსტიტუტში აქვს ანგარიში გახსნილი. მაღალშემოსავლიან ქვეყნებში საბანკო ანგარიში მოსახლეობის 94%-ს აქვს გახსნილი, ხოლო განვითარებად ქვეყნებში კი 63%-ს. 

საქართველოს მეზობელ აზერბაიჯანში საფინანსო ინსტიტუტში ანგარიში მოსახლეობის მხოლოდ 28.6%-ს აქვს გახსნილი, სომხეთში 45.3%-ს, თურქეთში 67.7%-ს, ხოლო რუსეთში კი 75.8%-ს. 

შვედეთში აღნიშნული მაჩვენებელი 99.7%-ია, ფინეთში 99.8%, გერმანიაში 99.1%, საფრანგეთში კი 94.0%. 

კვლევის მიხედვით, საქართველოში, ბოლო ერთი წლის განმავლობაში, ელექტრონული გადახდით მოსახლეობის 53%-ს უსარგებლია, ევროპისა და ცენტრალური აზიის რეგონში კი ეს მაჩვენებელი 60.4%-ია. საქართველოს მეზობელ აზერბაიჯანში ბოლო 1 წლის განმავლობაში ელექტრონული გადახდით მოსახლეობის მხოლოდ 24.6%-მა ისარგებლა, სომხეთში 41.5%-მა, რუსეთში 70.5%-მა, ხოლო თურქეთში კი 63.8%-მა. 

აღსანიშნავია, რომ 2014 წელს საქართველოში ელექტრონული გადახდით მოსახლეობის მხოლოდ 20.8% სარგებლობდა. 

კომუნალური გადახდებისთვის ელექტრონული საშუალება ბოლო ერთ წელში საქართველოს მოსახლეობის მხოლოდ 16.3%-მა გამოიყენა. ინტერნეტი გადასახადების გადახდისთვის ბოლო 12 თვეში საქართველოს მოსახლეობს მხოლოდ 13.5%-მა გამოიყენა. ევროპისა და ცენტრალური აზიის რეგიონში ეს მაჩვენებელი 30.6%-ია.

ბანკები ელექტრონული გადახდები კვლევა

წინა სტატია

“ცარიელი შპრიცების” გაყალბებული რეფორმა
07 მაისი, 2018

შემდეგი სტატია

აპრილში უცხოური ვალუტის რეზერვები 32 მილიონი დოლარით გაიზარდა
07 მაისი, 2018
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker