მაისის მდგომარეობით წლიური ინფლაცია 2.5 პროცენტია

საქართველოს სტატისტიკის ეროვნული სამსახურის ინფორმაციით, მაისში სამომხმარებლო საქონლისა და მომსახურების ფასების დონე არ შეცვლილა, წლიურმა ინფლაციამ (12 თვის) კი 2.5% შეადგინა, რაც ნიშნავს, რომ ბოლო ერთ წელიწადში სამომხმარებლო პროდუქცია 2.5%-ით გაძვირდა. 2010 წელთან შედარებით ფასები 27.3%-ით არის გაზრდილი.

მაისში ფასები შემცირდა შემდეგ ქვეჯგუფებზე: რძე, ყველი და კვერცხი (-6,6 პროცენტი), ხორცი და ხორცის პროდუქტები (-0,5 პროცენტი), შაქარი, ჯემი და სხვა ტკბილეული (-0,1 პროცენტი). ამასთან, ფასები გაიზარდა ხილსა და ყურძენზე (4,0 პროცენტი), ბოსტნეულსა და ბაღჩეულზე (1,7 პროცენტი), ასევე თევზეულზე (1,5 პროცენტი).

ბოლო ერთ წელიწადში ყველაზე მეტად ალკოჰოლური სასმელები და თამბაქოს ფასები (6.4%-ით) გაიზარდა. სატრანსპორტო მომსახურების ფასები 3.5%-ით გაძვირდა. სურსათის და უალკოჰოლო სასმელების ფასები 1.8%-ით, ჯანმრთელობის დაცვის ფასი კი 4.3%-ით გაიზარდა. ტანსაცმელი და ფეხსაცმელი 6.4%-ით გაიაფდა.

ინფლაცია წლიური ინფლაცია ფასები

წინა სტატია

ქართული მედიცინა ძვირი და დაბალპროდუქტიულია
01 ივნისი, 2018

შემდეგი სტატია

რატომ ვერ ქმნის საქართველო იმდენივე სამუშაო ადგილს, რამდენსაც დანარჩენი მსოფლიო?
04 ივნისი, 2018
საქართველოს 100 უმსხვილესი კომპანია
რეიტინგი | ივლ, 20, 2020
ბათუმის ახალი პერსპექტივა
ბიზნესი | ივლ, 21, 2020
ყველაზე შემოსავლიანი აუდიტორული კომპანიები
რეიტინგი | ივლ, 24, 2020
Forbes Georgia in EnglishForbes WomanForbes Banker