Microsoft-მა Windows 10 დაანონსა

Microsoft-მა, როგორც მოსალოდნელი იყო, Windows-ის ახალი ვერსია დაანონსა. თუმცა, არავინ ელოდა, რომ მას Windows 10-ს დააქრმევდნენ. Microsoft-ის მტკიცებით, ახალი ვერსია იმდენად უკეთესია Windows 8-ზე, რომ ეს უმნიშვნელოვანესი გაუმჯობესება სახელშიც უნდა ასახულიყო - Windows 9 გამოტოვეს და პირდაპირ Windows 10 დაარქვეს.

Forbes.com-ის კონტრიბუტორის, გორდონ კელის შეფასებით, „ნახტომი“ მართლაც შთამბეჭდავია და ის რამდენიმე საყურადღებო გაუმჯობესებას აღნიშნავს. მაგალითად:

1. ვინდოუსის ახალი ოპერაციული სისტემა უნივერსალურია და  ყველა სახის მოწყობილობაზეა გათვლილი (დესკტოპი, ლეპტოპი, ტაბლეტი, ფაბლეტი და სმარტფონი) და მისი გადმოწერა/დაინსტალირება ბევრად გაადვილებულია.
2. Start Menu ბრუნდება და ის, დამატებით, ინტერნეტში ძიების ფუნქციასაც შეიძენს.
3. ახალი ვირტუალური დესკტოპების საშუალებით მომხმარებელი უფრო ადვილად მოახერხებს პროგრამებში ორიენტირებას.
4. ფასი საკმაოდ ხელმისაწვდომი იქნება, თუმცა კონკრეტული მონაცემები ჯერ არ არის ცნობილი.

ჯერჯერობით კიდევ ბევრი დეტალია უცნობი. ექსპერტები აღნიშნავენ, რომ Microsoft-მა გაითვალისწინა წინა ვერსიით უკმაყოფილო მომხმარებლების ყველა ძირითადი შენიშვნა და Windows 10-ის სახით ძალიან ხარისხიან პროდუქტს გვთავაზობს.

წინა სტატია

Forbes 400 - ბილ გეითსი კვლავ პირველ ადგილზეა
01 ოქტომბერი, 2014

შემდეგი სტატია

პაშა ბანკი - პირველი ქართული ბანკი SIBOS -ზე
06 ოქტომბერი, 2014
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker