მაისში სამრეწველო პროდუქციის წარმოება 0.6 პროცენტით გაძვირდა

სამრეწველო პროდუქციის მწარმოებელთა ფასების ინდექსი უჩვენებს, თუ რამდენად ძვირდება/იაფდება სამრეწველო პროდუქციის წარმოება საქართველოში. აღნიშნული ინდექსი მიმდინარე წლის მაისში წინა თვესთან (აპრილთან) შედარებით 0.6%-ით გაიზარდა, ხოლო 2017 წლის მაისთან შედარებით 8.4%-ით არის გაზრდილი. 2010 წელთან შედარებით კი დღეს პროდუქციის წარმოება 45%-ით მეტ დანახარჯს მოითხოვს.

2018 წლის მაისში წინა თვესთან შედარებით ფასები 1%-ით გაიზარდა გადამამუშავებელი მრეწველობის პროდუქციის ჯგუფზე და შესაბამისმა წვლილმა ინდექსის პროცენტული ცვლილების საერთო მაჩვენებელში 0.8% პუნქტი შეადგინა. ზრდა დაფიქსირდა კვების პროდუქტებზე, სასმელებსა და თამბაქოს ნაწარმზე (0.9%), ძირითად ლითონებსა და ლითონის მზა ნაწარმზე (2.5%), ასევე ქიმიურ ნივთიერებებზე, ქიმიურ პროდუქტებსა და ქიმიურ ბოჭკოებზე (3.8%).

ბოლო ერთი წლის განმავლობაში დამამუშავებელი მრეწველობის პროდუქციის წარმოება 7.1%-ით გაძვირდა. ფასების ზრდა დაფიქსირდა კვების პროდუქტებზე, სასმელებსა და თამბაქოს ნაწარმზე (6.3%), ასევე ძირითად ლითონებსა და ლითონის მზა ნაწარმზე (20.4%). ელექტროენერგიის, წყლის და აირის წარმოება და განაწილება 15.2%-ით გაძვირდა.

გრაფიკი: წარმოების ფასების ცვლილება გასული წლის ანლოგიურ პერიოდთან შედარებით

წყარო: საქსტატი

წინა სტატია

Samsung-ის ახალი 8 პოლუსიანი S-Inverter ტექნოლოგიის კონდიციონერი
20 ივნისი, 2018

შემდეგი სტატია

მაისში კომერციული ბანკების მოგება 11.6 მილიონი ლარით გაიზარდა
20 ივნისი, 2018
საქართველოს 100 უმსხვილესი კომპანია
რეიტინგი | ივლ, 20, 2020
"ან მდიდარი უნდა იყო, ან მდიდრის მეზობელი" – უმსხვილესი თურქი ინვესტორის, გალიფ ოზთურქის გეგმები საქართველოში
ინტერვიუ | ივლ, 07, 2020
ბათუმის ახალი პერსპექტივა
ბიზნესი | ივლ, 21, 2020
Forbes Georgia in EnglishForbes WomanForbes Banker