ბანკების მიერ გაცემული სესხების დოლარიზაცია 54.7 პროცენტამდე შემცირდა

ბოლო ერთ წელიწადში ლარში გაცემული სესხები 2.4 მილიარდი ლარით არის გაზრდილი, ხოლო უცხოურ ვალუტაში გაცემული სესხები კი 499 მლნ დოლარით. პირველი ივლისის მდგომარეობით, ორივე ვალუტაში ერთად 23.3 მილიარდი ლარის სესხია ბანკების მიერ გაცემული. საერთო სესხებში უცხოურ ვალუტაში გაცემული სესხების წილი 54.7%-ზე დაფიქსირდა. ერთი წლის წინ ეს მაჩვენებელი 57.9% იყო.

2018 წლის ივნისში, წინა თვესთან (მაისთან) შედარებით, საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 236 მლნ ლარით, ხოლო უცხოურ ვალუტაში გაცემული სესხები 60 მლნ დოლარით გაიზარდა. ლარის კურსის გამყარების გამო, ლარში გამოსახული უცხოური ვალუტით სესხები 71 მლნ ლარით გაიზარდა.

ივნისში ბანკების მიერ გაცემული სამომხმარებლო სესხები 27 მლნ ლარით გაიზარდა. გრძელვადიანი სამომხმარებლო სესხები 38 მლნ ლარით გაიზარდა, ხოლო მოკლევადიანი 11 მლნ ლარით შემცირდა.

ივნისში ვადაგადაცილებული სესხების მოცულობა 26 მლნ ლარით შემცირდა და 384 მლნ ლარი შეადგინა. მთლიანი საკრედიტო პორტფელის მიმართ ვადაგადაცილებული სესხების მოცულობა 1.6%-ია, რაც დაბალი მაჩვენებელია. აღნიშნული მაჩვენებელი 2017 წლის პირველ ივლისს 2.3% იყო.

2018 წლის ივნისში, მაისთან შედარებით, ლარში გაცემულ სესხებზე საშუალო წლიური საბაზრო საპროცენტო განაკვეთი არ შეცვლილა და 16%-ზე შენარჩუნდა. უცხოურ ვალუტაში გაცემულ სესხებზე კი ივნისში განაკვეთი 0.2% პუნქტით შემცირდა და 8.1% შეადგინა.

ჩვენ გირჩევთ

საქართველოს საგარეო ვალის გადახდის გრაფიკი

ახალი საბანკო რეგულაციები

საქართველოს საგარეო ვალის გადახდის გრაფიკი

საქართველოს საგარეო ვალის გადახდის გრაფიკი

 

წინა სტატია

ეროვნულმა ბანკმა რეფინანსირების განაკვეთი 7 პროცენტამდე შეამცირა
25 July, 2018

შემდეგი სტატია

ინტერნეტბანკინგი საქართველოში
25 July, 2018
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
Life Without Limits
Forbes Georgia in English | Jan, 14, 2021
2021 წლის ყველაზე ძლიერი პასპორტები მსოფლიოში - რომელ ადგილზეა საქართველო?
ახალი ამბები ქართულად | Jan, 14, 2021
Forbes Georgia in EnglishForbes WomanForbes Banker