მსოფლიოს ყველაზე მაღალშემოსავლიანი კომპანიები

2018 წლის წინასწარი მონაცემებით, შემოსავლის მიხედვით მსოფლიოში პირველ ადგილზე ამერიკული სუპერმარკეტების ქსელი “ვოლმარტია”. “ვოლმარტი” 2018 წელს 500 მილიარდი დოლარის შემოსავალს მიიღებს და დასაქმებული ჰყავა 2.3 მილიონი ადამიანი. 2.3 მილიონი ადამიანი უფრო მეტია, ვიდრე მთლიანად საქართველოს სამუშაო ძალა (შრომისუნარიანი მოსახლეობა). “ვოლმარტის” წლიური შემოსავალი აღემატება ისეთი ქვეყნების წლიურ შემოსავალსაც (მთლიან შიდა პროდუქტს) კი, როგორიცაა ირლანდია, ავსტრია, დანია, ნორვეგია, ჩეხეთი, ისრაელი, პორტუგალია და სხვა. “ვოლმარტზე” მეტი შემოსავალი მსოფლიოში მხოლოდ 24 ქვეყანას აქვს.

მეორე ადგილზეა ჩინური “სთეით გრიდი”, რომელიც ელექტროენერგიის წარმოებით და განაწილებითაა დაკავებული. მე-3-5 ადგილებს ნავთობის და გაზის სექტორში მოქმედი კომპანიები იკავებენ. შემდეგ მოდიან საავტომობილო კომპანიები: “ტოიოტა” და “ფოლკსვაგენი”.

ბოლო ერთ წელიწადში, ათეულში შემავალი კომპანიებიდან ყველაზე მეტად (31%-ით) “ბპ”-ის შემოსავალი გაიზარდა.

ადგილი	სახელი	წლიური შემოსავალი, მილიარდ დოლარებში	სექტორი	დასაქმებულთა რაოდენობა	ქვეყანა
1	ვოლმარტი	500	ვაჭრობა	2,300,000	აშშ
2	სთეით გრიდი	349	ელექტროენერგია	913,546	ჩინეთი
3	სინოპეკი	327	ნავთობი და გაზი	667,793	ჩინეთი
4	პეტროჩაინა	326	ნავთობი და გაზი	1,470,193	ჩინეთი
5	შელი	312	ნავთობი და გაზი	84,000	ნიდერლანდები
6	ტოიოტა	265	ავტომობილები	369,124	იაპონია
7	ფოლკსვაგენი	260	ავტომობილები	642,292	გერმანია
8	ბპ	245	ნავთობი და გაზი	74,000	დიდი ბრიტანეთი
9	ექსონ მობილი	244	ნავთობი და გაზი	71,200	აშშ
10	ბერკშირ ჰეზევეი	242	ფინანსები	377,000	აშშ