საქართველოში ინტერნეტ გადახდების რაოდენობა წლიურად 154%-ით გაიზარდა

წლიდან წლამდე ინტერნეტით განხორციელებული ოპერაციების რაოდენობა იზრდება. თუკი მაგალითად 3 წლის წინ - 2015 წლის III კვარტალში ინტერნეტით 3 მილიონი ინტერნეტ გადახდა განხორციელდა, რომელიც თანხობრივად 138 მლნ ლარს შეადგენდა, 2018 წლის III კვარტალში ეს მაჩვენებელი 11.7 მილიონ გადახდამდე, თანხობრივად კი 722 მილიონ ლარამდე გაიზარდა. 

წინა (მეორე) კვარტალთან შედარებით ქართული ბარათებით შესრულებული ინტერნეტ–გადახდები გაიზარდა 11%-ით რაოდენობრივად და 26%-ით თანხობრივად. 

2017 წლის III კვარტალთან შედარებით, ინტერნეტ-გადახდების რაოდენობა გაიზარდა 154%-ით და თანხა 183%-ით.

ინტერნეტ-გადახდების წილი სულ პოს-გადახდებში გაიზარდა 1%-ული პუნქტით რაოდენობრივად და 4%-ული პუნქტით თანხობრივად, წინა (მეორე) კვარტლის მაჩვენებლებთან შედარებით. 

ამასთან, წლის III კვარტალში ქართული საგადახდო ბარათებით საქართველოში და მის ფარგლებს გარეთ სულ შესრულდა 65.0 მლნ ოპერაცია, თანხობრივად 6.1 მილიარდი ლარი. აქედან ოპერაციების რაოდენობის 95% და თანხის 97% შესრულდა ქვეყნის შიგნით, ხოლო შესაბამისად 5% და 3% ქვეყნის გარეთ. 

წინა, მეორე კვარტალთან შედარებოთ, საგადახდო ბარათებით შესრულებული ოპერაციების რაოდენობა გაიზარდა 3%-ით, ხოლო თანხა 5%-ით. მათ შორის, ნაღდი ფულის გატანის ოპერაციები შემცირდა 4%-ით რაოდენობრივად და გაიზარდა 2%-ით თანხობრივად, ხოლო გადახდის ოპერაციები გაიზარდა 6%-ით რაოდენობრივად და 14%-ით თანხობრივად.

ჩვენ გირჩევთ

მსოფლიოს ყველაზე დატვირთული პორტები

ნოემბერში საქართველოს ექსპორტი 20 პროცენტით გაიზარდა

მსოფლიოს ყველაზე დატვირთული პორტები

მსოფლიოს ყველაზე დატვირთული პორტები

წინა სტატია

EBRD სვანეთში 3 ჰესის მშენებლობას დააფინანსებს
17 დეკემბერი, 2018

შემდეგი სტატია

ვის რა დაუჯდა ერთი ხმა?
17 დეკემბერი, 2018
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker