Minecraft–ის მილიარდერმა ბევერლიჰილზის სპეცრეზიდენციაში $70 მილიონი გადაიხადა

მარკუს პერსონმა ვიდეოთამაშების საკუთარი კომპანია, Mojang-ი გაყიდა. გასულ სექტემბერს Microsoft-მა ამ კომპანიაში $2,5 მილიარდი გადაიხადა. ამხელა ფასი Minecraft-ის განუზომელმა პოპულარობამ განაპირობა. Minecraft-ი Mojang-ის ერთ-ერთი სათავგადასავლო ონლაინთამაშია, რომლის უზარმაზარი ვირტუალური სამყაროც თავად მომხმარებლების მიერ, პიქსელური სამშენებლო ბლოკებითაა აშენებული.

პერსონი 35 წლის შვედია, რომლის ზედმეტსახელი „ნოჩ“ მთელი მსოფლიოს გეიმერებისთვისაა ცნობილი. დეკემბერში მან თავისი ნადავლის მსუყე მარცვალი ახალ ნიადაგს მიაბარა: 7 ათას კვადრატულმეტრიანი რეზიდენციის სპეცპროექტი აღჭურვილია 8 საძინებლით, 15 სააბაზანო ოთახით, რობერტო კავალის დეკორაციებითა და საავტომობილო შოურუმით (ზევით, შემაძრწუნებელი სიზუსტით, ნაჩვენებია, თუ როგორი იქნებოდა რეზიდენცია თავად პერსონის ვიდეოთამაშში).

ხსენებული რეზიდენცია ბევერლი-ჰილზის სახლებს შორის უძვირესია. აუქციონში მონაწილეთა შორის იყვნენ ჯეი-ზი და ბიონსე. მათაც $70-მილიონიანი შეთავაზება გააკეთეს, თუმცა პერსონის განაცხადი უფრო „გემრიელად“ გამოიყურებოდა, ვინაიდან იგი ნაღდ ანგარიშსწორებაზეც თანახმა იყო. განსაკუთრებულად ძვირად ღირებული ქონების პროფილით მომუშავე საბროკერო კომპანიამ, John Aaroe Group-მა, რომელიც მოლაპარაკების შუალედური რგოლი გახლდათ, მოგვიანებით განაცხადა: „Dom Perignon-ის ყუთები შეთანხმების ნაწილი იყო“. ჯეი-ზიმ ახლახან შეიძინა შამპანურის ბრენდი Armand de Brignac-ი, თუმცა, ეტყობა, ამ პატარა დეტალმა მას შუშხუნა ღვინის ნაცვლად ცივი ჩაის დალევისკენ უბიძგა.

წინა სტატია

სამართლის პოლიტიზაცია საქართველოში: მზარდი საფრთხე?
19 March, 2015

შემდეგი სტატია

2014 წელს საქართველოს ეკონომიკა 4.8%-ით გაიზარდა
20 March, 2015
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
2021 წლის ყველაზე ძლიერი პასპორტები მსოფლიოში - რომელ ადგილზეა საქართველო?
ახალი ამბები ქართულად | Jan, 14, 2021
Life Without Limits
Forbes Georgia in English | Jan, 14, 2021
Forbes Georgia in EnglishForbes WomanForbes Banker