Moody’s საქართველოს ეკონომიკის მთავარ რისკებს ასახელებს

"მიუხედავად იმისა, რომ საქართველოში სწრაფი ზრდა ფიქსირდება, სახელმწიფო ინსტიტუტები კი სწრაფად იზრდება, მოსახლეობისა და შინამეურნეობების დაბალი შემოსავლები ზღუდავს მათ მდგრადობას ეკონომიკური შოკების მიმართ", - აღნიშნავს სარეიტინგო სააგენტო Moody’s.

მეორე პრობლემად სახელდება ისტორიული მიგრაცია, რომელიც როგორც ანგარიშშია ნათქვამი :ძირს უთხრის ქვეყნის ეკონომიკური ზრდის პოტენციალს". ამ კუთხით განსაკუთრებით აღნიშნულია ეკონომიკური განსხვავება საქართველოს, რუსეთს, თურქეთსა და ევროკავშირს შორის, რაც ხელს უწყობს ქვეყნიდან მიგრაციას.

Moody’s დადებითად აფასებს იმ ფაქტს, რომ საქართველო სხვადასხვა სავაჭრო შეთანხმებების ხარჯზე ეკონომიკის დივერსიფიცირებას ახდენს. შედეგად, სარეიტინგო სააგენტოს პროგნოზით FDI-ის წილი ქვეყნის მთლიან შიდა პროდუქტში 10%-ის ფარგლებში შენარჩუნდება. საშუალოვადიან პერიოდში კი თავისუფალი ვაჭრობის შეთანხმებები დადებით გავლენას იქონიებს ქვეყნის სავაჭრო ბრუნვასა და ეკონომიკურ ზრდაზე.

რეიტინგის შემზღუდავ ფაქტორად სახელდება მცირე მოცულობის დანაზოგებიც. აღნიშნულია, რომ ქვეყანაში მსხვილი მოცულობის ინვესტიციები საგარეო ვალით ფინანსდება, რაც ქვეყნის ეკონომიკას დამოკიდებულს ხდის გარე დაფინანსებაზე. 

მცირე ზომის ეკონომიკა და მცირე ზომის კომპანიები ასევე სახელდება ზრდის პოტენციურ შემზღუდავ ფაქტორებად.

სააგენტო რეიტინგს ოთხი ძირითადი მაჩვენებლის მიხედვით ადგენს, რომელთა შეფასასებაც საქართველოს შემთხვევაში შემდეგია:

  • ეკონომიკური სიძლიერე - სუსტი (+)
  • ინსტიტუტების სიძლიერე - ძლიერი (-)
  • ფისკალური სიძლიერე - ზომიერი
  • რისკების მიმართ მდგრადობა - ზომიერი

საერთაშორისო სარეიტინგო კომპანია Moody’s-მა საქართველოს სუვერენული საკრედიტო რეიტინგი Ba3-დან Ba2-მდე 2017 წელს (2010 წლის შემდეგ პირველად) გააუმჯობესა, ხოლო მდგომარეობა კვლავ სტაბილურით შეაფასა. სააგენტო აღნიშნავს, რომ საქართველოს რეიტინგი ახლოს დგას შემდეგი ქვეყნების მაჩვენებლთან:

  • სომხეთი - B1; პოზიტიური
  • ალბანეთი - B1; სტაბილური
  • აზერბაიჯანი - Ba2; სტაბილური
  • ხორვატია -  Ba2; სტაბილური
  • ფიჯი - Ba3; სტაბილური
  • სერბეთი - Ba3; სტაბილური

რაც შეეხება რეგიონის სხვა ქვეყნებს, თურქეთის შეფასებაა Ba3 ნეგატიური, რუსეთის კი Baa3 სტაბილური.

სააგენტო რეიტინგის საფეხურებს ლათინური ასოების შესაბამისად ყოფს, სადაც ყველაზე უარყოფითი შეფასებაა D, ხოლო მაქსიმალური კი AAA. რაც შეეხება რეიტინგის პერსპექტივას, ის შეიძლება იყოს ნეგატიური, სტაბილური ან პოზიტიური.

ჩვენ გირჩევთ

ყველაზე პოპულარული ავტომობილები საქართველოში - TOP 10 მოდელი

მარტში საქართველოს ეკონომიკა 6 პროცენტით გაიზარდა

ყველაზე პოპულარული ავტომობილები საქართველოში - TOP 10 მოდელი

ყველაზე პოპულარული ავტომობილები საქართველოში - TOP 10 მოდელი

წინა სტატია

მარტში ლარში განთავსებული დეპოზიტები 118 მილიონი ლარით გაიზარდა
30 აპრილი, 2019

შემდეგი სტატია

Moody's - Georgia’s credit profile reflects high average growth rates
30 აპრილი, 2019
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
რამდენი მილიონი ლარის შემოსავალი აქვს Adjarabet-ს
ახალი ამბები ქართულად | სექ, 18, 2020
Forbes Georgia in EnglishForbes WomanForbes Banker