მსოფლიო ბანკი გლობალურად ეკონომიკური ზრდის ტემპის შენელებას პროგნოზირებს

მსოფლიო ბანკი 2019 წელს ევროპისა და ცენტრალური აზიის რეგიონში, რომელშიც საქართველო შედის, 1.6%–იან ეკონომიკურ ზრდას პროგნოზირებს, რაც ბოლო 4 წლის განმავლობაში ყველაზე დაბალი მაჩვენებელია. ზრდის შენელების მთავარ მიზეზად თურქეთი სახელდება. მეორე მიზეზად სახელდება რეგიონში ვაჭრობის შემცირება.

ბანკის პროგნოზით 2019 წელს გლობალურად ეკონომიკური ზრდა 2.6% იქნება, რაც ბანკის ეკონომისტების შეფასებით, “მოლოდინზე დაბალი მაჩვენებლია”.

ევროპისა და ცენტრალური აზიის რეგიონში ეკონომიკური ზრდის შენელებას ევრო ზონაში შექმნილ ვითარებას უკავშირებენ. კერძოდ, მსოფლიო ბანკი ვარაუდობს რომ მთავარ სავაჭრო ბაზარზე არასტაბილურობა რეგიონში სავაჭრო ბრუნვაზე უარყოფითად იმოქმედებს.

ეკონომიკური ზრდის პროგნოზი ცენტრალური აზიისა და ევროპის რეგიონში: 

  • ალბანეთი – 3.7% 
  • სომხეთი – 4.2% 
  • აზერბაიჯანი – 3.3% 
  • ბელარუსი – 1.8% 
  • ბულგარეთი – 3% 
  • ხორვატია – 2.5% 
  • საქართველო – 4.6% 
  • უნგრეთი – 3.8% 
  • ყაზახეთი – 3.5% 
  • ყირგიზეთი – 4.3% 
  • მოლდოვა – 3.4% 
  • მონტენეგრო – 2.9% 
  • პოლონეთი – 4% 
  • რუმინეთი – 3.6% 
  • რუსეთი – 1.2% 
  • სერბეთი – 3.5% 
  • ტაჯიკეთი – 6% 
  • თურქეთი: –1% 
  • თურქმენეთი – 5.6% 
  • უკრაინა – 2.7%
  • უზბეკეთი – 5.3%

მსოფლიო ბანკმა საქართველოს ეკონომიკური ზრდის პროგნოზი 4.6%–მდე აპრილში შეამცირა, რის მთავარ მიზეზადაც ბანკი შესუსტებულ საგარეო მოთხოვნას და ეროვნული ბანკის მიერ დაწესებულ რეგულაციებს ასახელებს, რომელიც პასუხისმგებლიანი დაკრედიტებისკენაა მიმართული. პროგნოზის 5%-მდე ზრდას ბანკი 2021 წელს ელოდება. 2019 წლისთვის ბანკის წინა პროგნოზი 5% იყო.

ამასთან, ბანკი აღნიშნავს, რომ საბანკო სექტორში დაწესებული ახალი რეგულაციები ერთის მხრივ შეანელებს დაკრედიტებასა და კერძო სექტორის მხრიდან მოთხოვნას, თუმცა გააძლიერებს საფინანსო სექტორს.

ეკონომიკაზე მოქმედ რისკებს შორის სახელდება სახელმწიფო საკუთრებაში არსებული საწარმოები. ანგარიშში აღნიშნულია, რომ სახელმწიფო საკუთრებაში არსებული საწარმოებიდან 57 მაღალი რისკის მატარებელია, რასაც ემატება ის ვალდებულებები, რომლებსაც PPP ხელშეკრულებები ითვალისწინებს.

ჩვენ გირჩევთ

მაგთი, სილქნეტი/ჯეოსელი და ბილაინი – მობილური ოპერატორების შემოსავლები იზრდება

ყველაზე პოპულარული სტატიები Forbes.ge-ზე. იანვარი-მაისი 2019

მაგთი, სილქნეტი/ჯეოსელი და ბილაინი – მობილური ოპერატორების შემოსავლები იზრდება

მაგთი, სილქნეტი/ჯეოსელი და ბილაინი – მობილური ოპერატორების შემოსავლები იზრდება

წინა სტატია

აუთვისებული კაპიტალური პროექტები
07 ივნისი, 2019

შემდეგი სტატია

Магти, Силкнет/Джеосел и Билайн – доходы мобильных операторов растут
07 ივნისი, 2019
საქართველოს 100 უმსხვილესი კომპანია
რეიტინგი | ივლ, 20, 2020
ბათუმის ახალი პერსპექტივა
ბიზნესი | ივლ, 21, 2020
ყველაზე შემოსავლიანი აუდიტორული კომპანიები
რეიტინგი | ივლ, 24, 2020
Forbes Georgia in EnglishForbes WomanForbes Banker