რუსეთი ქართულ ღვინოზე კონტროლს ამკაცრებს

“როსპოტრებნადზორი” ქართულ ალკოჰოლურ სასმელზე კონტროლს ამკაცრებს. როგორც უწყების ვებ-გვერდზე გამოქვეყნებულ ინფორმაციაში ვკითხულობთ, ბოლო წლებში რუსეთში საქართველოდან შეტანილი ღვინის ხარისხი გაუარესებულია.

რუსული უწყება წერს, რომ 2014-2018 წლებში სავალდებულო მოთხოვნებთან შეუსაბამო ქართული პროდუქციის რაოდენობა 2,9-ჯერ გაიზარდა და გასულ წელს 203 000 ლიტრი შეადგინა.

ამასთან უწყება ასახელებს კომპანიებსაც, რომლებიც საქართველოდან რუსეთში ექსპორტს ახორციელებენ: “ბაგრატიონი 1882”, “ბოლერი ენდ კომპანი”, “კახური ტრადიციული მეღვინეობა”, “ბადაგონი”, “ქართული ღვინის სახლი”, კორპორაცია “ქართული ღვინო”, “ქართული ღვინისა და ალკოჰოლური სასმელების კომპანია”, “ბატონო”. უწყების ინფორმაციით, ღვინის აღნიშნული პარტიების რუსეთის ტერიტორიაზე დაშვება არ არის ნებადართული.

კომპანიები, რომლებსაც რუსული უწყება ასახელებს, საქართველოდან ღვინის უმსხვილესი ექსპორტიორები არიან.

შეგახსენებთ, რომ წლების განმავლობაში ქართული ღვინის მწარმოებლებისთვის მთავარი საექსპორტო ბაზარი რუსეთი იყო. კერძოდ, კი 2006 წლის ემბარგომდე. მიუხედავად, იმისა, რომ საექსპორტო ბაზრების რაოდენობა გაიზარდა და მსოფლიოს 55 ქვეყანას გადასცდა, დღესაც ქართული ღვინის მთავარი შემსყიდველი რუსეთია. რუსეთში დღეს მეტი ქართული ღვინო გადის, ვიდრე ერთად აღებული მთავარი საექსპორტო ქვეყნების ხუთეულში.

ღვინის ექსპორტი 2018 წელს ტოპ-5 ქვეყნის მიხედვით:

რუსეთი – 53 682 627 ბოთლი ღვინო

უკრაინა –10 687 835 ბოთლი

ჩინეთი – 6 951 019 ბოთლი

ყაზახეთი – 3 599 143 ბოთლი

პოლონეთი – 3 508 122 ბოთლი 

ჩვენ გირჩევთ

რა გავლენა ექნება რუსულ სანქციებს ლარზე?

რას წერდა ხელისუფლება IMF-ს "ოქროს სიის" გაუქმებაზე?

რა გავლენა ექნება რუსულ სანქციებს ლარზე?

რა გავლენა ექნება რუსულ სანქციებს ლარზე?

წინა სტატია

7 წელში, საპარტნიორო ფონდის ხელმძღვანელებმა 1.8 მლნ ლარამდე ანაზღაურება მიიღეს
24 ივნისი, 2019

შემდეგი სტატია

Forbes Georgia in English - Issue #13
24 ივნისი, 2019
როგორ გამოიმუშავებს და ხარჯავს მილიარდებს ელონ მასკი?
ახალი ამბები ქართულად | აპრ, 28, 2020
განსხვავებული ლიბერთი
ინტერვიუ | მაი, 18, 2020
პანდემიის პირისპირ
ინტერვიუ | მაი, 08, 2020
Forbes Georgia in EnglishForbes WomanForbes Banker