EBRD: ღრმაწყლოვან პორტს სტრატეგიული მნიშვნელობა აქვს როგორც საქართველოსთვის, ასევე რეგიონისთვის

EBRD: ღრმაწყლოვან პორტს სტრატეგიული მნიშვნელობა აქვს როგორც საქართველოსთვის, ასევე რეგიონისთვის

“ღრმაწყლოვან პორტს სტრატეგიული მნიშვნელობა აქვს როგორც საქართველოსთვის, ასევე რეგიონისთვის”, – განაცხადა Forbes-თან ინტერვიუში ევროპის რეკონსტრუქციისა და განვითარების ბანკის მდგრადი განვითარების ჯგუფის მმართველმა დირექტორმა ნანდიტა ფარშადმა. მისი თქმით, EBRD აკვირდება ანაკლიის პორტის პროექტის ირგვლივ მიმდინარე მოვლენებს და იმას, გახდება თუ არა პროექტი ბანკებისთვის მიმზიდველი.

“საქართველოს პორტები ძალიან მნიშვნელოვანია. თბილისში ყოფნისას გამახსენდა თუ რა მნიშვნელოვანი როლი ეკავა საქართველოს აბრეშუმის გზაზე. საქართველო გლობალური ინტეგრაციისა და ვაჭრობის კუთხით ძალიან მნიშვნელოვან ადგილზეა, ქვეყნის გეოგრაფიული მდებარეობა უნიკალურია. საქართველოს ზღვაზე წვდომა მნიშვნელოვანია არამხოლოდ თქვენი ქვეყნის, არამედ რეგიონის განვითარებისთვისაც. თქვენ გყავთ მეზობლები, რომლებსაც არ აქვთ ზღვაზე გასასვლელი. ასე რომ ღრმაწყლოვან პორტს სტრატეგიული მნიშვნელობა აქვს როგორც საქართველოსთვის, ასევე რეგიონისთვის. ეს არის ის სფერო რომლის მხარდაჭერაც გვსურს. რაც შეეხება უშუალოდ ანაკლიას, ჩვენ ჩართულები ვართ ამ პროექტში. ამჯერად მიმდინარეობს სამუშაო პროცესი, ვაკვირდებით გახდება თუ არა ეს პროექტი ბანკებისთვის მიმზიდველი”, – ამბობს ნანდიტა ფარშადი.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *