ბრიტანული გამოცემა The Independenet აქვენებს ცხრა ევროპული ღვინის სიას, რომელიც სტატიის ავტორის აზრით, დიდი ბრიტანეთს ხისტ ბრექსიტს “გადაატანინებს“. სია არაევროკავშირის წევრი ქვეყნების ღვინოებისგან შედგა.
ჩამონათვალში ორი ქართული ღვინო მოხვდა – “ოროველას” საფერავი 2008 და “იბერიულის” ქისი 2017, ქვევრის ქარვისფერი ღვინო.
სტატიაში აღნიშნულია, რომ საქართველოში ღვინის წარმოება ჯერ კიდევ უძველესი დროიდან დაიწყო. საქართველოსთან ერთად სიაში მოხვდა თურქული, მოლდოვური, უკრაინული ღვინო. სტატიის სრულად ნახვა შეგიძლიათ ბმულზე.
გაერთიანებულ სამეფოში ექსპორტზე საქართველოდან შეზღუდული რაოდენობით ღვინო გადის. წლის პირველ 5 თვეში – იანვარ–მაისში, საქართველოდან ბრიტანეთში 137 ათასი დოლარის ღირებულების ღვინო გავიდა, ჯამში 33.2 ათასი ლიტრი. ქართული ღვინის ტოპ იმპორტიორ ქვეყნებს შორის ბრიტანეთი მეოცე ადგილს იკავებს.
დატოვე კომენტარი
