საქართველოს დერეფანში ტვირთბრუნვა გაიზარდა

წლის პირველ ნახევარში, საქართველოს სატრანსპორტო დერეფნით 18.2 მლნ ტონა ტვირთი გადაიზიდა, რაც წინა წლის ანალოგიურ მაჩვენებელს 0.2 მლნ ტონით აღემატება.

ეკონომიკის სამინისტროს სტატისტიკით, გაზრდილია საზღვაო ნავსადგურებსა და საზღვაო ტერმინალებში გადამუშავებული ტვირთების მოცულობაც და მან წლის პირველ 6 თვეში 8.1 მლნ ტონა შეადგინა, ნაცვლად გასული წლის 7.9 მლნ ტონისა.

პორტებში გაიზარდა კონტეინერების მოცულობაც. კერძოდ საანგარიშო პერიოდში პორტებმა 284 147 TEU ერთეული კონტეინერი გადაამუშავეს, გასულ წელს კი ეს მაჩვენებელი 215 057 TEU ერთეული იყო.

ამავე პერიოდში, ფოთის პორტმა 4 მილიონი ტონა ტვირთი გადაამუშავა – ზრდა 0.9 მლნ ტონა; სუფსის საზღვაო ტერმინალმა 1.8 მლნ ტონა – შემცირება 0.4 ლნ ტონა; ბათუმის საზღვაო ნავსადგურმა 1.6 მლნ ტონა – შემცირება 0.3 მლნ ტონა. უცვლელი დარჩა გადამუშავებული ტვირთების მოცულობა ყულევის საზღვაო ტერმინალში – 0.7 მლნ ტონა წლის პირველ 6 თვეში.

რაც შეეხება გადამუშავებულ კონტეინერებს – ფოთის პორტმა 6 თვეში 240 257 TEU ერთეული კონტეინერი მიიღო – ზრდა 68 730 TEU ერთეულია. დანარჩენი მოცულობა კი ბათუმის პორტზე მოდის – 43 890 TEU ერთეული კონტეინერი.

2018 წელს, 2017 წელთან შედარებით, საქართველოში სატრანსპორტო დარგების მიერ გადაზიდული ტვირთების მოცულობა 0.4 მლნ ტონით შემცირდა და 4.1 მლნ ტონა შეადგინა. ბოლო 5 წელში კი საქართველოში ტვირთბრუნვა 5.3 მლნ ტონითაა შემცირებული.

სატრანსპორტო დარგების მიერ გადაზიდული ტვირთების რაოდენობა:

2014 წელი – 46.4 მლნ ტონა

2015 წელი – 44.2 მლნ ტონა

2016 წელი – 42.3 მლნ ტონა

2017 წელი – 41.5 მლნ ტონა

2018 წელი – 41.1 მლნ ტონა.

ჩვენ გირჩევთ

ივლისში რუსეთში ქართული ღვინის ექსპორტი 21.9%–ით შემცირდა

7 თვეში ღვინის ექსპორტი 4%–ით, მიღებული შემოსავალი კი 6%-ით გაიზარდა

ივლისში რუსეთში ქართული ღვინის ექსპორტი 21.9%–ით შემცირდა

ივლისში რუსეთში ქართული ღვინის ექსპორტი 21.9%–ით შემცირდა

წინა სტატია

ივლისში საქართველოში რეკორდული რაოდენობის ტურისტი შემოვიდა
05 აგვისტო, 2019

შემდეგი სტატია

7 ay içerisinde şarap ihracatı %4, ihracatından elde edilen gelir ise %6 oranında artmıştır
05 აგვისტო, 2019
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker