ბიზნესის კეთების ინდექსში საქართველომ მე-6-დან მე-7 ადგილზე ჩამოინაცვლა

მსოფლიო ბანკმა ბიზნესის კეთების (Doing Business) ახალი რეიტინგი გამოაქვეყნა, რომლის მიხედვით საქართველო მსოფლიოში მე-7 ადგილზეა 83.7 ქულით. გასულ წელს საქართველო მე-6 ადგილზე იყო 83.5. საქართველოს მხოლოდ ახალი ზელანდია, სინგაპური, დანია, ჰონკონგი, სამხრეთი კორეა და აშშ უსწრებს

მსოფლიო ბანკი ბიზნესის კეთების რეიტინგს 2003 წლიდან აქვეყნებს. კვლევაში მსოფლიოს 190 ქვეყანაა ჩართული. ბიზნესის კეთების რეიტინგი ქვეყნებში ბიზნესის დაწყების, მართვისა და დახურვის სახელმწიფო რეგულაციების სიმარტივეს ზომავს.

გასულ წელთან შედარებით საქართველოს ქულა 0.2-ით გაიზარდა, მაგრამ ერთი ადგილით ჩამოქვეითება აშშ-ს ქულის 0.4-ით ზრდამ განაპირობა.

მსოფლიო ბანკის ანგარიშის მიხედვით გასულ ერთ წელში ბიზნესის კეთების გასამარტივებლად საქართველომ მხოლოდ 1 რეფორმა გაატარა - ინფორმაციაზე ხელმისაწვდომობის ზრდის შედეგად მშენებლობების ხარისხის კონტროლი გაუმჯობესდა.

ბიზნესის კეთების ინდექსი 10 კომპონენტისგან შედგება, რომელთა შეჯამება ქვეყნის საბოლოო ქულას და რეიტინგს გვაძლევს. საქართველოს ყველაზე მაღალი ქულა (99.6) და ადგილი (მე-2 ადგილი მსოფლიოში) ბიზნესის დაწყების კომპონენტში აქვს. საქართველოში კომპანიის რეგისტრაცია ერთ დღეში, მინიმალური აუცილებელი თანხის გარეშეა შესაძლებელი. მე-5 ადგილზეა საქართველო ქონების რეგისტრაციის სიმარტივით.

ყველაზე დაბალ პოზიციაზე საქართველო ბიზნესის დახურვის პროცედურებითაა, 190 ქვეყნიდან 64-ე ადგილზეა.

RECOMMENDED]

წინა სტატია

ეროვნული ბანკი მონეტარული პოლიტიკის განაკვეთს 1 პროცენტული პუნქტით 8.5 პროცენტამდე ზრდის
23 ოქტომბერი, 2019

შემდეგი სტატია

გალტ & თაგარტის პარტნირობით თბილისში “აბრეშუმის გზის საერთაშორისო ფორუმი” გაიმართა
24 ოქტომბერი, 2019
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker