კოსმოსში ტვირთის გაგზავნის ონლაინ-დაჯავშნა შესაძლებელი ხდება

ილონ მასკის კომპანია SpaceX-ი მომხმარებლებს რაკეტით კოსმოსში ტვირთის გაგზავნის ონლაინ-დაჯავშნის საშუალებას აძლევს. საუბარია Falcon 9-ზე, რომლის მთლიანად დაქირავებისთვის დაახლოებით 60 მლნ დოლარია საჭირო. ამიტომაც SpaceX-ი დაბალბიუჯეტიან მცირე ზომის სატელიტ-მომხმარებლებს აძლევს შესაძლებლობას საფასური გაინაწილონ და ერთად გაგზავნონ საჭირო ტვირთი კოსმოსში. ფასი, რომელსაც კომპანია ონლაინ-დაჯავშნის შემთხვევაში მომხმარებელს სთავაზობს, 1 მლნ დოლარიდან დაიწყება.

ინტერნეტით დაჯავშნისას მსურველებმა შესაძლებელია მიუთითონ სასურველი ორბიტა, სავარაუდო თარიღი და დაახლოებით რამდენი კილოგრამის მოცულობის ტვირთის გაგზავნა სურთ, რის შემდეგაც სისტემა საფასურს შესაბამისად დაითვლის. ილონ მასკის კომპანია დამატებით დაზღვევის სერვისსაც სთავაზობს მსურველს.

SpaceX-ი Falcon 9-ის აღნიშნულ მომსახურებას მომხმარებლებს ივნისიდან შესთავაზებს. მსურველებს წინასწარ დეპოზიტის სახით 5,000 დოლარის გადახდა მოუწევთ.

SpaceX-ი კოსმოსური რაკეტების მწარმოებელი კომპანიაა, რომელიც ილონ მასკმა 2002 წელს დააარსა. მასკის მიზანია კოსმოსური ფრენების გაიაფება, რაც კაცობრიობას მარსის კოლონიზაციის შესაძლებლობას მისცემს.

წყარო: TechCrunch

ჩვენ გირჩევთ

ყველაზე მოგებიანი ბანკები საქართველოში

მონაცემთა ანალიტიკა

ყველაზე მოგებიანი ბანკები საქართველოში

ყველაზე მოგებიანი ბანკები საქართველოში

წინა სტატია

ჩინეთი $75 მილიარდის ღირებულების ამერიკულ პროდუქციაზე ტარიფებს ამცირებს
06 February, 2020

შემდეგი სტატია

სახალხო აფთიაქის პერსპექტივა საუბნო სააფთიაქო ბაზარზე
07 February, 2020
ილონ მასკი: ოთხი კოვიდ-ტესტი ჩავიტარე, მათგან ორი დადებითი იყო, ორი უარყოფითი
ახალი ამბები ქართულად | Nov, 13, 2020
მთელი ქალაქი შენს სმარტფონში
ინტერვიუ | Nov, 23, 2020
Pfizer-ის ვაქცინის პირველი საჰაერო ტრანსპორტირება განხორციელდა
ახალი ამბები ქართულად | Dec, 01, 2020
Forbes Georgia in EnglishForbes WomanForbes Banker