"ქვეყნები დროს კარგავენ" - WHO-ს საყვედური

მთავრობებმა უნდა შეწყვიტონ ძვირფასი დროის კარგვა კორონავირუსთან ბრძოლაში მას შემდეგ, რაც მათ პანდემიის პრევენციის შესაძლებლობა ხელიდან გაუშვეს. ამის შესახებ მსოფლიო ჯანდაცვის ორგანიზაციის (WHO) ხელმძღვანელმა განაცხადა.

“ჩვენ ხელიდან გავუშვით შესაძლებლობების პირველივე ფანჯარა. მოქმედებისთვის დრო უფრო მეტი იყო 1 ან 2 თვის წინ“, - განაცხადა ტედროს გებრეიესუსმა.

მისივე თქმით, მსოფლიოს ახლა მეორე შანსი აქვს, ვინაიდან 150 ქვეყანას ჯერ დაინფიცირების 100-ზე ნაკლები შემთხვევა აქვს, ამიტომაც დრო ჯერ კიდევ არის მოსამზადებლად. ამასთან, ჯანდაცვის ორგანიზაციის ხელმძღვანელის განცხადებით, იმ ქვეყნებმა, რომლებმაც კარანტინი და იზოლაცია გამოაცხადეს, დრო მოიგეს იმისათვის, რომ უფრო აგრესიული ზომები მიეღოთ.

მსოფლიო ჯანდაცვის ორგანიზაციის ხელმძღვანელმა ექვსი პუნქტი ჩამოთვალა იმ ზომებისა, რაც ქვეყნებმა უნდა მიიღონ: 

  • გააფართოვონ, გაწვრთნან და განათავსონ საჭირო ადგილას ჯანდაცვის მუშაკები
  • აამუშავონ სისტემები საეჭვო შემთხვევების აღმოჩენისთვის
  • დააჩქარონ ტესტების წარმოება და გაზარდონ ხელმისაწვდომობა
  • მოიძიონ ინფრასტრუქტურა, რაც ჯანდაცვის ცენტრებად შეიძლება გადაკეთდეს
  • შეიმუშავონ გეგმები კარანტინისთვის
  • მთავრობამ რეფოკუსირება გააკეთოს ვირუსის ჩახშობაზე.

მსოფლიო ჯანდაცვის ორგანიზაციის ეპიდემიოლოგის მარია ვან კერხოვის თქმით, ჯანდაცვის მუშაკები მთელი მსოფლიოს მასშტაბით დამცავი აღჭურვილობების დეფიციტს განიცდიან. ადამიანები, რომლებიც არ არიან ავად, არ სჭირდებათ პირბადეები და ექიმები არ უნდა დარჩნენ მათ გარეშე იმის გამო, რომ ქვეყნები მათ ასე მოიხმარენ.

"ეს მიუღებელია. ჯანდაცვის მუშაკების დაცვა უნდა იყოს მთავარი პრიორიტეტი", - აღნიშნა მან.

"თუ რამე გვასწავლა ამ პანდემიამ, არის ის, რომ ჩვენ გვჭირდება უფრო ძლიერი საზოგადოებრივი ჯანდაცვის სისტემები", - განაცხადა WHO-ს კიდევ ერთმა წარმომდგენელმა მაიკ რაიანმა.

ჩვენ გირჩევთ

ჩინეთი ჩაკეტილ ქალაქ ვუჰანს 8 აპრილიდან გახსნის

იტალიაში Facebook-ის ჯგუფური ზარების განხორციელება 1000%-ითაა გაზრდილი

ჩინეთი ჩაკეტილ ქალაქ ვუჰანს 8 აპრილიდან გახსნის

ჩინეთი ჩაკეტილ ქალაქ ვუჰანს 8 აპრილიდან გახსნის

წინა სტატია

JPMorgan predicts Apple’s next iPhone launch could be delayed 1 to 2 months
26 მარტი, 2020

შემდეგი სტატია

WHO Issues a Rare Public Scolding, Saying Countries Wasting Time
26 მარტი, 2020
"ქვეყნები დროს კარგავენ" - WHO-ს საყვედური
ახალი ამბები ქართულად | მარ, 26, 2020
ებრაელი ნობელის პრემიის ლაურეატი: კორონავირუსის გავრცელების ტემპი მცირდება
ახალი ამბები ქართულად | მარ, 20, 2020
საქართველოს ბანკი განცხადებას ავრცელებს
კომპანიები | მარ, 20, 2020
Forbes Georgia in EnglishForbes WomanForbes Banker