აზიის უმდიდრესი ადამიანი ჯეკ მა აღარ არის – ის მაკეშ ამბანიმ ჩაანაცვლა

აზიის უმდიდრესი ადამიანი ჩინელი ჯეკ მა აღარ არის, ის ინდოელმა მაკეშ ამბანიმ ჩაანაცვლა. ეს კი მას შემდეგ მოხდა, რაც ამბანიმ მარკ ცუკერბერგთან გარიგება განახორციელა, საუბარია, Facebook-ის მიერ ინდური პლატფორმა Jio-ს აქციების დაახლოებით 10%-ის შესყიდვაზე.

შედეგად, Bloomberg-ის ცნობით, ამბანის ქონება დაახლოებით $4,7 მილიარდით გაიზარდა და ოთხშაბათის მონაცემებით, $49,2 მილიარდი შეადგინა. ამგვარად, ახლა ამბანის ქონება ჯეკ მას ქონებას $3,2 მილიარდით უსწრებს.

"ჩვენი პარტნიორობის საფუძველია ის, რომ მარკ ცუკერბერგი, Facebook-ის დამფუძნებელი და მე ვიზიარებთ ინდოეთის ციფრული ტრანსფორმაციის მიზნებს. WhatsApp-ი უკვე შევიდა ინდოელი ხალხის ყოველდღიურ ლექსიკონში ინდოეთის 23 ოფიციალურ ენაზე“, – განაცხადა ამბანიმ.

პლატფორმა Jio მისი ქოლგის ქვეშ აერთიანებს რამდენიმე სერვისს: მობილურ ქსელს, რომელსაც დაახლოებით 390 მილიონი აბონენტი ჰყავს, მოკლე შეტყობინებების პლატფორმას, რომელიც უკვე თანამშრომლობს Facebook-ის WhatsApp-თან და პოტენციურად Facenbook-ს გზას უხსნის 340 მილიონი მომხმარებლის დამატებისკენ ინდოეთში.

Facenbook-ის შემოსავლების მთავარი ოფიცერი და ვიცე-პრეზიდენტი დევიდ ფიშერი საკუთარ ბლოგში წერს, რომ „კომპანიის ინვესტიცია ხაზს უსვამს ჩვენს ვალდებულებას ინდოეთის მიმართ და პლატფორმა Jio-ს მცდელობები განავითაროს ციფრული ტექნოლოგიები ქვეყანაში იწვევს ჩვენს აღფრთოვანებას“.

ჩვენ გირჩევთ

შესაძლოა, ნიკოტინი COVID-19-ით ინფიცირების ალბათობას ამცირებდეს - საფრანგეთში კვლევა ჩატარდება

რუსეთში ოლიგარქებისგან კრიზისის პერიოდში დიდი ფინანსური რესურსების ჩადებას მოელიან

შესაძლოა, ნიკოტინი COVID-19-ით ინფიცირების ალბათობას ამცირებდეს - საფრანგეთში კვლევა ჩატარდება

შესაძლოა, ნიკოტინი COVID-19-ით ინფიცირების ალბათობას ამცირებდეს - საფრანგეთში კვლევა ჩატარდება

წინა სტატია

შესაძლოა, ნიკოტინი COVID-19-ით ინფიცირების ალბათობას ამცირებდეს - საფრანგეთში კვლევა ჩატარდება
24 აპრილი, 2020

შემდეგი სტატია

Ambani Tops Ma as Asia’s Richest After Deal With Zuckerberg
24 აპრილი, 2020
ტამანის პორტი მზად არის 220 000 ტონიანი სატვირთო გემების მისაღებად
ახალი ამბები ქართულად | ივნ, 29, 2020
"ან მდიდარი უნდა იყო, ან მდიდრის მეზობელი" – უმსხვილესი თურქი ინვესტორის, გალიფ ოზთურქის გეგმები საქართველოში
ინტერვიუ | ივლ, 07, 2020
21 მილიარდერი და მათი პირველი მილიონი დოლარი
ახალი ამბები ქართულად | ივნ, 25, 2020
Forbes Georgia in EnglishForbes WomanForbes Banker