ავტომობილები სრულად უპილოტო ძალიან მალე გახდება – ჩინური სტარტაპის CEO

ავტომობილები სრულად უპილოტო ძალიან მალე გახდება – ჩინური სტარტაპის CEO

დრო, როდესაც ავტომობილები სრულად უპილოტო გახდება, ძალიან ახლოსაა. ამის შესახებ ჩინური სტარტაპის AutoX-ის დამფუძნებელი და აღმასრულებელი ხელმძღვანელი ციუანსიუნ სიაო ამბობს.

ამჟამად ჩინეთში ცალკეული ქალაქების რეგულაციები ითვალისწინებს უპილოტო ავტომობილში მძღოლის ჯდომას უსაფრთხოების მიზნით, თუმცა, AutoX-ში აცხადებენ, რომ დროდადრო ეს მოთხოვნა შემცირდება. აღსანიშნავია, რომ ეს კომპანია უკვე მუშაობს უპილოტო ტრანსპორტის განვითარების კუთხით. ამ მიმართულებით ის თანამშრომლობს “ალიბაბასთან“ AMAP-აპლიკაციით, რომელიც ე.წ სუპერ მობილობის აპლიკაციაა, და რომელსაც 500 მილიონი აქტიური მომხმარებელი ჰყავს თვეში.

AutoX-მა მოიპოვა შანჰაიში ავტოპილოტზე მომუშავე ავტომობილების გადაადგილების ნებართვა, შედეგად შეიქმნა RoboTaxi-ის ტრანსპორტირების სერვისი, რომელიც მომხმარებელს სთავაზობს სწორედ უპილოტო ავტომობილებით გადადგილებას. კომპანია ამ კუთხით ფართოვდება, გასულ თვეს AutoX-ში განაცხადეს, რომ RoboTaxi-ის მასშტაბური ცენტრი გახსნეს, საიდანაც შანჰაიში უპილოტო ავტომანქანების სერვისის ოპერირება ხდება.

შედეგად, AutoX-ი ჩინეთის ბაზარზე ერთ-ერთი უმსხვილესი კომპანიაა ავტოპილოტზე მომუშავე ტრანსპორტის მიმართულებით, რომელიც თანამშრომლობს Alibaba-სთან, Shanghai Motor-სა და Dongfeng Motor-სთან.

როგორც კომპანიის ხელმძღვანელი ამბობს, ის მუშაობს ტექნოლოგიური განვითარების კუთხით, რათა მათი ტრანსპორტი იყოს ძალიან უსაფრთხო, რისთვისაც ისინი ძალიან ბევრ შემოწმებას გადიან.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *