რამდენმა მომხმარებელმა ისარგებლა სესხების გადავადებით თიბისიში

სხვადასხვა ზომისა და სეგმენტის გათვალისწინებით, მომხმარებელთა დაახლოებით 40-დან 60%-მა მიიღო ეს შეთავაზება და სესხები გადაავადა , – ამის შესახებ თიბისი ბანკის გენერალურმა დირექტორმა ვახტანგ ბუცხრიკიძემ Forbes Georgia-სთან ინტერვიუში ისაუბრა, რომელიც მაისის თვის ნომერში გამოქვეყნდა.

როგორც ბუცხრიკიძემ აღნიშნა, სესხების გადავადების შესახებ ნაბიჯი აუცილებლად გადასადგმელი იყო ბანკების მხრიდან.

"იმ მდგომარეობაში, რაშიც დღეს საქართველო აღმოჩნდა, აუცილებლად უნდა შეგვეთავაზებინა მომხმარებლისთვის – როგორც ფიზიკური პირებისთვის, ვისაც ჰქონდათ სესხები, ასევე მცირე და საშუალო ბიზნესისთვის და მსხვილი კომპანიებისთვის, რომლებსაც მეტ- ნაკლებად ამ გამოწვევებთან შეხება ჰქონდათ – სესხების გადავადება“, – განაცხადა თიბისის გენდირექტორმა.

მისივე თქმით, ბოლო სამი-ოთხი კვირის განმავლობაში ათობით ადამიანი ოცდაოთხი საათის განმავლობაში მუშაობდა იმისთვის, რომ ან ზარით, ან ეს-ემ-ესით, შეთავაზება ასიათასობით მსესხებლამდე მისულიყო.

"სამწუხაროდ, შეცდომებიც იყო. სტატუსის დაახლოებით ას შეთავაზებაზე ტექნიკური შეცდომა მოგვივიდა, თუმცა ესეც 24-საათიანი მუშაობის შემდეგ გამოვასწორეთ. აქვე მინდა, ბოდიში მოვუხადო მათ, ვინც ამ შეცდომის გამო შეწუხდა, მაგრამ როცა ასიათასობით შეთავაზებას ეხება საქმე და ეს ყველაფერი საკმაოდ სწრაფად ხორციელდება, ალბათ, ასეთი შეცდომები მოსულა”, – დასძინა ვახტანგ ბუცხრიკიძემ. მისივე თქმით, დღეს ეს პრობლემები ტექნიკურად უკვე ამოწურულია.

შეგახსენებთ, პანდემიის გამო, სესხების გადავადება მომხმარებლებს ბანკების უმრავლესობამ შესთავაზა.

ჩვენ გირჩევთ

მაღალი რისკის ქვეშ მყოფი სექტორების წილი საქართველოს მშპ-ში 33%-ია – Recov.ge

"ბორბალი უფრო სწრაფად დავატრიალეთ" – თიბისის თითქმის ყველა პროდუქტი ციფრულია

მაღალი რისკის ქვეშ მყოფი სექტორების წილი საქართველოს მშპ-ში 33%-ია – Recov.ge

მაღალი რისკის ქვეშ მყოფი სექტორების წილი საქართველოს მშპ-ში 33%-ია – Recov.ge

წინა სტატია

მაღალი რისკის ქვეშ მყოფი სექტორების წილი საქართველოს მშპ-ში 33%-ია – Recov.ge
12 მაისი, 2020

შემდეგი სტატია

ვინ მართავს კრიზისს – ჩვენ თუ ვირუსი?
13 მაისი, 2020
საქართველოს 100 უმსხვილესი კომპანია
რეიტინგი | ივლ, 20, 2020
ბათუმის ახალი პერსპექტივა
ბიზნესი | ივლ, 21, 2020
ყველაზე შემოსავლიანი აუდიტორული კომპანიები
რეიტინგი | ივლ, 24, 2020
Forbes Georgia in EnglishForbes WomanForbes Banker