"აჭარა ჯგუფი" რესტორნებს, კაფეებსა და სასტუმროებს ივნისიდან ეტაპობრივად გახსნის

აჭარა ჯგუფი რესტორნებს, კაფეებსა და სასტუმროებს ივნისიდან ეტაპობრივად გახსნის, - ამის შესახებ ინფორმაციას "აჭარა ჯგუფი" ავრცელებს.

როგორც ინფორმაციაში წერია, 7 ივნისიდან სტუმრებს ელოდებიან Lolita-სა და Cafe Stamba-ში, ასევე, Rooms Hotel Tbilisi-სა და Rooms Hotel Kokhta-ს რესტორნების ღია სივრცეებსა და Fabrika-ს შიდა ეზოში. 15 ივნისიდან კი სტუმრების მიღებას განაახლებს სასტუმრო Rooms Hotel Kazbegi და Rooms Hotel Kokhta.

"პანდემიამ ყველა უამრავი გამოწვევის წინაშე დაგვაყენა და ახლა, როგორც არასდროს, განსაკუთრებული ძალისხმევით უნდა გავუფრთხილდეთ ერთმანეთს.

აჭარა ჯგუფისთვის უმნიშვნელოვანესია ჩვენი სტუმრებისა და თანამშრომლების უსაფრთხოება და ჯანმრთელობა. ამიტომაც, უწყვეტ რეჟიმში ვმუშაობთ უსაფრთხოების ახალი რეგულაციებისა და სტანდარტების შემუშავებაზე, რათა ჩვენთან ყველამ დაცულად იგრძნოს თავი.

აჭარა ჯგუფმა პანდემიით გამოწვეული სირთულეების მართვისას დიდი გამოცდილება შეიძინა. გეცოდინებათ, რომ აჭარა ჯგუფის ყველაზე მასშტაბური სასტუმრო Holiday Inn Tbilisi საკარანტინო ზონად იყო გამოყენებული. ჩვენი რესტორნები კი, უსაფრთხოების ზომების გათვალისწინებით, დისტანციურ შეკვეთებზე მუშაობდნენ.

საქართველოს მთავრობასთან, ჯანდაცვის მსოფლიო ორგანიზაციასა და მსოფლიო ტურიზმის ორგანიზაციასთან მუდმივი დიალოგისა და მათ მიერ მოწოდებული ინსტრუქციების გათვალისწინებით უკვე ბევრი სირთულის დაძლევა შევძელით.

აუცილებლად გადავლახავთ დღევანდელ გამოწვევებსაც და ჩვენ სტუმრებს კვლავ მივცემთ უნიკალური სტუმარმასპინძლობისა და კულინარიული გამოცდილების შეძენის საშუალებას", – აღნიშნულია გავრცელებულ ინფორმაციაში.

ჩვენ გირჩევთ

როდის და რომელი ევროპული ქვეყნები იხსნება ზაფხულის ტურისტული სეზონისთვის

SoftBank-ი მოლაპარაკებებს აწარმოებს T-Mobile-ის აქციების გაყიდვასთან დაკავშირებით

როდის და რომელი ევროპული ქვეყნები იხსნება ზაფხულის ტურისტული სეზონისთვის

როდის და რომელი ევროპული ქვეყნები იხსნება ზაფხულის ტურისტული სეზონისთვის

წინა სტატია

When You Love Music in Every Way Imaginable – A Georgian Musician, David Abuladze Is Creating a Solo Project in the U.S.
18 მაისი, 2020

შემდეგი სტატია

განსხვავებული ლიბერთი
18 მაისი, 2020
განსხვავებული ლიბერთი
ინტერვიუ | მაი, 18, 2020
პანდემიის პირისპირ
ინტერვიუ | მაი, 08, 2020
5 რამ რუსული პროპაგანდის შესახებ
მოსაზრება | მაი, 22, 2020
Forbes Georgia in EnglishForbes WomanForbes Banker