General Electric-ი ნათურების ბიზნესს ემშვიდობება

General Electric-ი ნათურების ბიზნესს ემშვიდობება

General Electric-ი ნათურების ბიზნესს ემშვიდობება. აღნიშნული ბიზნესით კომპანია 129 წელი იყო დაკავებული. ბიზნესის ამ მიმართულების გაყიდვის რამდენიმეწლიანი მცდელობის შემდეგ, GE-მ განაცხადა, რომ მას „ჭკვიანი სახლის“ კომპანია Savant Systems-ი ყიდულობს.

მანამდე კომპანია შეელია ასევე მიკრო ტალღოვანი ღუმელების, სარეცხი მანქანების და ლოკომოტივების წარმოების მიმართულებებსაც.

“დღევანდელი გარიგებები მნიშვნელოვანი ნაბიჯია კომპანიის უფრო მეტად ინდუსტრიულ კომპანიად ტრანსფორმაციისთვის“, – განაცხადა General Electric-ის აღმასრულებელმა დირექტორმა ლარი კულპმა.

ნათურების ბიზნესის გაყიდვა იმას არ ნიშნავს, რომ მსურველები GE-ს ბრენდირებულ ნაწარმს ვეღარ იყიდიან, მარაგში ჯერ კიდევ არის ეს პროდუქცია და მას ახალი მფლობელი Savant Systems-ი გამოიყენებს.

შეგახსენებთ, General Electric-ის აქციები ამ ბიზნესის დათმობის შემდეგ 7%-ით შემცირდა. კომპანია გარიგების ღირებულებას არ ასახელებს.

ნათურების ბიზნესის ახალი მფლობელი Savant Systems-ი 2005 წელს დაარსებული კომპანიაა, რომელიც ძირითადად მუშაობს ძვირად ღირებულ სახლებზე.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *