იანვარ-აგვისტოში ფულადი გზავნილები 250 მილიონი დოლარით შემცირდა

საზღვარგარეთ დასაქმებულთა მიერ საქართველოში გადმორიცხული თანხები კლებას განაგრძობს. 2015 წლის აგვისტოში წინა წლის აგვისტოსთან შედარებით ფულადი გზავნილები 45.7 მილიონი დოლარით (35%-ით) შემცირდა, იანვარ-აგვისტოში კი ჯამში 250 მილიონი დოლარით (26%-ით) შემცირდა.

საზღვარგარეთ დასაქმებულთა ფულადი გზავნილების კლება ძირითადად რუსეთიდან გადმორიცხვების შემცირებამ განაპირობა. მიმდინარე წლის აგვისტოში, წინა წლის აგვისტოსთან შედარებით, რუსეთიდან ჩამორიცხვები 30 მილიონი დოლარით (45%-ით) შემცირდა. გზავნილების შემცირების მიხედვით მეორე-მესამე ადგილებზეა საბერძნეთი და იტალია, საბერძნეთიდან 15.8 მილიონი დოლარით (93%-ით) შემცირდა, ხოლო იტალიიდან 1.9 მილიონი დოლარით (17%-ით). 1.5 მილიონი დოლარით (20%-ით) გაიზარდა გზავნილები აშშ-დან.

ფულადმა გზავნილებმა შემცირება გასული წლის ოქტომბრიდან დაიწყო და ლარის გაუფასურების ერთ-ერთი მიზეზი გახდა. ბოლო 11 თვეში გზავნილები 317 მილიონი დოლარით არის შემცირებული.

წინა სტატია

კინოინდუსტრიის მომავლის სახე
15 September, 2015

შემდეგი სტატია

სამრეწველო პროდუქციის წარმოება ძვირდება
16 September, 2015
ილონ მასკი: ოთხი კოვიდ-ტესტი ჩავიტარე, მათგან ორი დადებითი იყო, ორი უარყოფითი
ახალი ამბები ქართულად | Nov, 13, 2020
მთელი ქალაქი შენს სმარტფონში
ინტერვიუ | Nov, 23, 2020
ესპანეთში COVID-ინფიცირებული ჰოსპიტალიზებული პაციენტების 82%-ს D ვიტამინის ნაკლებობა აქვს - კვლევა
ახალი ამბები ქართულად | Nov, 02, 2020
Forbes Georgia in EnglishForbes WomanForbes Banker