აზიის უმდიდრესი ადამიანი TOP-10 მილიარდერის კლუბს შეუერთდა

აზიის უმდიდრესი ადამიანის მაკეშ ამბანის ქონებამ Bloomberg-ის მონაცემებით, $64.5 მილიარდს გადააჭარბა. შედეგად ინდოელი მაგნატი უკვე მსოფლიოს უმდიდრესი ათი ადამიანის „ექსკლუზიურ ლიგას“ შეუერთდა. ამბანიმ Oracle-ის მფლობელ ლარი ელისონს და ფრანგ მილიარდერ ფრანსუაზა ბეტანკურ-მეიერსს გაუსწრო და ტოპ-ათეულში მეცხრე ადგილი დაიკავა.

ამბანი Reliance Industries-ის ხელმძღვანელია, ის კომპანიის აქციების 42%-ს ფლობს. მისი ქონება მას შემდეგ გაიზარდა, რაც  კომპანიის ციფრულ მიმართულება Jio Platforms-ში ინვესტიციები გაიზარდა. შედეგად ინდური კონგლომერატის აქციების ფასი მარტის მონაცემებთან შედარებით გაორმაგდა.

პლატფორმა Jio-მ მხოლოდ ორი თვის განმავლობაში $15 მილიარდის მოზიდვა შეძლო. Facebook-ი, General Atlantic-ი, Silver Lake Partners-ი, KKR & Co. და საუდის არაბეთის სუვერენული ფონდი არიან ის დაინტერესებული ინვესტორები, რომლებიც ცდილობენ მსოფლიოს სწრაფად მზარდ ონლაინ კომერციული პლატფორმაში წილები დაიკავონ. საინვესტიციო კვლევითი ორგანიზაცია Sanford C. Bernstein-ის მონაცემებით, Jio 2025 წლისთვის ინდოეთის მობილური ბაზრის 48%-ის მოცვას შეძლებს.  

როგორც ჩანს, მაშინ როდესაც ინდოეთის ეკონომიკა კორონავირუსის პანდემიამ მნიშვნელოვნად დააზარალა, მაკეშ ამბანის პირადი ქონება და ასევე მისი კომპანიების შემოსავლები მნიშვნელოვნად გაიზარდა.  

ინდოეთის უმდიდრესი მოსახლეობის 10% მთელი ქვეყნის სიმდიდრის სამ მეოთხედს ფლობს. მათ შორის ბუნებრივია არის მაკეშ ამბანიც, რომელიც მუმბაიში 27-სართულიან ვილაში ცხოვრობს. ვილას ვერტმფრენებისთვის სამი ასაფრენი ბილიკი, 168 მანქანაზე გათვლილი პარკინგი და 50 ადამიანზე გათვლილი კინო-თეატრი აქვს, ასევე აქ ნახავთ იოგას სტუდიას, სპას და ფიტნეს-ცენტრს და სამსართულიან დაკიდულ ბაღებს, რომელიც ბაბილონის ინსპირაციითაა შექმნილი.

ჩვენ გირჩევთ

Covid-19-ის კრიზისით გამოწვეული ეკონომიკური ზიანი და ევროკავშირის ბანკის მხარდაჭერა

Raisin-მა ევროპელი მომხმარებლებისთვის ყველა საბანკო სერვისი “ერთ ჭერქვეშ” მოაქცია

Covid-19-ის კრიზისით გამოწვეული ეკონომიკური ზიანი და ევროკავშირის ბანკის მხარდაჭერა

Covid-19-ის კრიზისით გამოწვეული ეკონომიკური ზიანი და ევროკავშირის ბანკის მხარდაჭერა

წინა სტატია

Asia’s Wealthiest Man Joins Club of World’s 10 Richest
22 ივნისი, 2020

შემდეგი სტატია

დიდი გამოწვევების, შესაძლებლობების, ცვლილებების და ახალი ტიპის ლიდერების დროა
22 ივნისი, 2020
საქართველოს 100 უმსხვილესი კომპანია
რეიტინგი | ივლ, 20, 2020
ბათუმის ახალი პერსპექტივა
ბიზნესი | ივლ, 21, 2020
ყველაზე შემოსავლიანი აუდიტორული კომპანიები
რეიტინგი | ივლ, 24, 2020
Forbes Georgia in EnglishForbes WomanForbes Banker