შემოსავლიანი სექტორები ბანკებისთვის

დადასტურებულია Grant Thornton-ის მიერ.

2019 წელი საქართველოს საბანკო სისტემისთვის მნიშვნელოვანი გარდაქმნების პერიოდი იყო. პასუხისმგებლობიანი დაკრედიტების სისტემის ამოქმედებამ, რომელიც 2020 წლის აპრილში ნაწილობრივ შემსუბუქდა, ძირეულად შეცვალა ის მოდელი, რომელიც მოქალაქეთა დაკრედიტების მიმართულებით წლების განმავლობაში არსებობდა.

შემოსავლების დადასტურების გამკაცრებული მოთხოვნების და PTI კოეფიციენტების განსაზღვრას ქვეყანაში საცალო სესხების ზრდის ტემპის ვარდნა მოჰყვა. ზოგიერთი კატეგორიის საცალო სესხების პორტფელი შემცირდა კიდეც. მაგალითად, 41%-ით, 193 მილიონ ლარამდე შემცირდა მომენტალური განვადებების პორტფელი, რომელსაც მოსახლეობა ძირითადად ელექტროტექნიკის, ავეჯისა და სხვა პროდუქტების შესაძენად იყენებდა.

22.8%-ით შემცირდა ოვერდრაფტების სასესხო პორტფელი, საკრედიტო ბარათების ჯამური პორტფელი კი 17.4%-ით, 458 მილიონ ლარამდე შემცირდა. შესაბამისად, შემცირება ძირითადად შეეხო სესხებს, რომელთა ნაკადებიც რამდენიმე ათას ლარს არ აღემატება. იპოთეკების მიმართულებით კი პორტფელი 14.3%-ით გაიზარდა და მან, სებ-ის ანგარიშის მიხედვით, 6.2 მილიარდი ლარი შეადგინა.

შეცვლილი საბანკო რეგულაციების პირობებში, ბანკებმა მეტი რესურსი იურიდიული პირების დაკრედიტებაზე მიმართეს. 2019 წლის დეკემბერში მთლიანი საკრედიტო პორტფელის ზრდის ტემპმა გაცვლითი კურსის ეფექტის გამორიცხვით 16.2 პროცენტი შეადგინა, რაც წინა წლების ტენდენციის შესაბამისია (ბოლო 3 წლის საშუალო ზრდა 17.5 პროცენტი იყო). თუმცა, სესხების ზრდის სტრუქტურა შეიცვალა. ფიზიკური პირების დაკრედიტების ზრდის ტემპი 8 პროცენტული პუნქტით, 9.6%-მდე, შემცირდა, ხოლო იურიდიული პირების დაკრედიტების ზრდის ტემპი 7.8 პროცენტული პუნქტით, 24.3%-მდე, გაიზარდა.

საქართველოს საბანკო სექტორის საკრედიტო პორტფელის სექტორული განაწილება ასეთია:

          

          

ჩვენ გირჩევთ

ყაზახეთი საქართველოს და GIG ჯგუფს მადლობას უხდის დახმარებისთვის

100 მაკროეკონომიკური მაჩვენებელი

ყაზახეთი საქართველოს და GIG ჯგუფს მადლობას უხდის დახმარებისთვის

ყაზახეთი საქართველოს და GIG ჯგუფს მადლობას უხდის დახმარებისთვის

წინა სტატია

კომპანიები კლიმატური ცვლილებების წინააღმდეგ - ტრანსფორმაცია და ეკოლოგიური პასუხისმგებლობა
07 July, 2020

შემდეგი სტატია

საქართველოს ბანკის ფინანსური მხარადჭერით ჩოხატაურში ღვინის მარანი აშენდა
07 July, 2020
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
Life Without Limits
Forbes Georgia in English | Jan, 14, 2021
2021 წლის ყველაზე ძლიერი პასპორტები მსოფლიოში - რომელ ადგილზეა საქართველო?
ახალი ამბები ქართულად | Jan, 14, 2021
Forbes Georgia in EnglishForbes WomanForbes Banker