როგორ ხარჯავს უორენ ბაფეტი მილიარდებს?

Wealth-X-ის კვლევის მიხედვით, უორენ ბაფეტის ქონება დაახლოებით $84 მილიარდს უდრის. იმის მიუხედავად, რომ 89 წლის ბაფეტი მსოფლიოს ერთ-ერთი უმდიდრესი ადამიანია, ის გამოირჩევა თავისი თავმდაბლობით და ხელგაშლილობით. მაგალითად, ბაფეტის ყოველი დილა McDonald’s-ის $3.17-იანი საუზმით იწყება. ასევე, თებერვალში სანამ iPhone 11-ს შეიძენდა, უორენი $20-იან დასაკეც ტელეფონს იყენებდა. შეგახსენებთ, რომ ბაფეტის საინვესტიციო კომპანია Berkshire Hathaway-ი Apple-ის 5.9%-იანი წილის მფლობელია.

Როგორც თავად ბაფეტი ამბობს, მას არ იზიდავს მდიდრული ცხოვრების წესი, რომელიც აღსავსეა ძვირიანი სახლებით, მანქანებით და სამკაულით. აღსანიშნავია, რომ უორენ ბაფეტი ჯერ კიდევ იმ სახლში ცხოვრობს, რომელიც მან ნებრასკაში 1958 წელს $31,500-ად შეისყიდა (ეს თანხა დღეს $285,000-ის ეკვივალენტია). ბაფეტი თავის სახლს მესამე ყველაზე მნიშვნელოვან ინვესტიციად მიიჩნევს, სიაში სახლს წინ უსწრებს ორი ნიშნობის ბეჭედი.

ბაფეტი არც კერძო ტრანსპორტს ანიჭებს დიდ უპირატესობას. 2014 წელს, ბაფეტმა $46,000-ანი Cadillac XTS-ი იყიდა, მხოლოდ იმიტომ, რომ თავისმა ქალიშვილმა სიუზიმ მას უსაყვედურა, რომ ამდენი ხნის განმავლობაში ძველი მანქანით სიარული “სირცხვილი” იყო. ერთ წელიწადში, ბაფეტმა თავისი ძველი Cadillac-ი $122,500-ად გაყიდა და თანხა ქველმოქმედებისთვის გადარიცხა.

ამას გარდა, ბაფეტი ერთი კერძო თვითმფრინავის მეპატრონეა, რომლით სარგებლობასაც იგი “ერთადერთ ყველაზე ძვირიან საქმეს” უწოდებს. უორენის თვითმფრინავი დაახლოებით $32 მილიონი ღირს.

როგორც Giving Pledge-ის ერთ-ერთი დამფუძნებელი, ბაფეტს ბილ და მელინდა გეითსებთან ერთად ქველმოქმედებაში უდიდესი წვლილი მიუძღვის. 2010 წელს დაფუძნებულ კომპანიას 200-ზე მეტი მილიარდერის/მილიონერის ხელმოწერა აქვს შეგროვებული, რომლებიც დამფუძნებლების მსგავსად, თავისი სიმდიდრის დიდ ნაწილს ქველმოქმედებისთვის რიცხავენ.

2006 წლიდან მოყოლებული, ბაფეტს ქველმოქმედებაში $37 მილიარდი აქვს გადარიცხული.

ბაფეტის ქონების 99% Berkshire Hathaway-ს ინვესტიციებიდან მოდის, რაც დაახლოებით $82 მილიარდს უტოლდება. თუმცა, ბაფეტს საკუთარი წილებიც აქვს შესყიდული. მაგალითად, ბაფეტი აშშ-ის Bancorp-ის დაახლოებით $30-მილიონიანი აქციის მეპატრონეა, კიდევ $19.5 მილიარდი Seritage Growth Properties-ს აქციებში აქვს ჩადებული, ხოლო კიდევ უფრო დიდი ინვესტიცია მან Wells Fargo-ში ჩადო, $45 მილიონის სახით.

ჩვენ გირჩევთ

Facebook-ის მარკეტინგის ხელმძღვანელი თანამდებობას ტოვებს

"საქართველოს ჯანდაცვის ჯგუფმა" მაღალი სამედიცინო ტექნოლოგიების ცენტრის 40%-იანი წილი გაყიდა

წინა სტატია

თურქეთში ტურიზმის შემოსავალმა წელს, შესაძლოა, პანდემიის მიუხედავად, $15 მლრდ-ს მიაღწიოს
24 აგვისტო, 2020

შემდეგი სტატია

How Warren Buffett spends his billions
24 აგვისტო, 2020
საქართველოს 150 ყველაზე შემოსავლიანი კომპანია
რეიტინგი | ოქტ, 01, 2020
ქართული სტარტაპების რეიტინგი მოზიდული ინვესტიციებით
რეიტინგი | ოქტ, 05, 2020
ყველაზე ცუდი გარიგება
მოსაზრება | ოქტ, 03, 2020
Forbes Georgia in EnglishForbes WomanForbes Banker