იაპონიაში მფრინავი ავტომობილის პროტოტიპს ტესტავენ

იაპონურმა კომპანია SkyDrive-მა განაცხადა, რომ იგი თავისი პირველი მფრინავი მანქანის სატესტო რეჟიმში აფრენისა და დაფრენის შესაძლებლობას ამოწმებს. ექსპერტების თქმით, ეს ინოვაციური პროექტი ჯერ კიდევ დახვეწას საჭიროებს და საკმაოდ ძვირიცაა. ამის შესახებ New York Times-ი წერს.

კომპანიამ, იაპონიის განვითარების ბანკისგან მიღებული დაფინანსებით, პირველი მფრინავი ავტომობილის სატესტო ფრენა განახორციელა, რომელიც სულ ოთხ წუთს გაგრძელდა. ავტომობილს მხოლოდ ერთი ადგილი აქვს და რვა ძრავით და ორი პროპელერით მუშაობს. სატესტო ფრენის დროს, მანქანა სამი მეტრის სიმაღლეზე აფრინდა.

SkyDrive-ის აღმასრულებელმა დირექტორმა ტომოჰირო ფუკუზავამ განაცხადა, რომ მათ გარდა ბევრს აქვს მფრინავი ავტომობილის პროტოტიპი, მაგრამ, მათი პროტოტიპი იმით განსხვავდება, რომ მას არ გააჩნია ფრთები, რაც მას ბევრად უფრო მსუბუქს და პრაქტიკულს ხდის.

კომპანიამ მფრინავი მანქანის პროტოტიპის შემუშავება 2014 დაიწყო, წელს კი პირველად განხორციელდა წარმატებული “ტესტ-დრაივი”.

აღსანიშნავია, რომ SkyDrive-ის გარდა მფრინავი ავტომობილის პროტოტიპის შემუშავებას, Boeing-ი, Airbus-ი, Toyota და Porsche ცდილობს. იანვარში კი, Hyundai-მ და Uber-მაც განაცხადეს, რომ ისინი ერთობლივად ახალ ელექტრო მფრინავ ტაქსიზე მუშაობს.

ჩვენ გირჩევთ

ტრამპის ადმინისტრაციის ყოფილი უფროსი საინვესტიციო ფონდს აარსებს

ივლისში საქართველოს ეკონომიკა 5.5 პროცენტით შემცირდა

ტრამპის ადმინისტრაციის ყოფილი უფროსი საინვესტიციო ფონდს აარსებს

ტრამპის ადმინისტრაციის ყოფილი უფროსი საინვესტიციო ფონდს აარსებს

წინა სტატია

Humans Take a Step Closer to ‘Flying Cars’ - Nytimes
31 აგვისტო, 2020

შემდეგი სტატია

„დიდი ცვლილების მოხდენა ერთობლივი ძალისხმევით არის შესაძლებელი“ – ცნობიერების ამაღლების კამპანია გარემოს დაბინძურების წინააღმდეგ
31 აგვისტო, 2020
საქართველოს 150 ყველაზე შემოსავლიანი კომპანია
რეიტინგი | ოქტ, 01, 2020
ქართული სტარტაპების რეიტინგი მოზიდული ინვესტიციებით
რეიტინგი | ოქტ, 05, 2020
ყველაზე ცუდი გარიგება
მოსაზრება | ოქტ, 03, 2020
Forbes Georgia in EnglishForbes WomanForbes Banker