“გალტ ენდ თაგარტმა“ კვლავ წარმატებით განათავსა “საქართველოს სალიზინგო კომპანიის“ 10 მილიონი აშშ დოლარის 2 წლიანი ობლიგაციები

2020 წლის 31 აგვისტოს სს “გალტ & თაგარტმა“ კიდევ ერთხელ უზრუნველყო შპს “საქართველოს სალიზინგო კომპანიის“ 10 მილიონი აშშ დოლარის ღირებულების, 2 წლიანი ობლიგაციების, წარმატებით განთავსება. ეს “საქართველოს სალიზინგო კომპანიისთვის“ რიგით მეხუთე ემისიაა, რაც კომპანიის სტაბილურობაზე და ინვესტორების მხრიდან ნდობის მაღალ ხარისხზე მეტყველებს. მიმდინარე წლის მოვლენების გათვალისწინებით, ამ ემისიის წარმატებით დასრულება ძალიან პოზიტიური ნიშანია, როგორც კომპანიისთვის ასევე საქართელოს ფასიანი ქაღალდების ბაზრისთვის.

“საქართველოს სალიზინგო კომპანია“ მომხმარებელს უკვე მეხუთედ აძლევს შესაძლებლობას დააბანდოს თავისუფალი ფულადი სახსრები კომპანიის მიერ გამოშვებულ ობლიგაციებში. ფასიანი ქაღალდის წლიური ფიქსირებული განაკვეთი შეადგენს 7,5%-ს; აღნიშნული ფასიანი ქაღალდები დაშვებული იქნება ადგილობრივი საფონდო ბირჟის სავაჭრო სისტემაში და შესაბამისად, მოხდება დარიცხული პროცენტის გათავისუფლება გადასახადებისაგან, რაც კიდევ უფრო მიმზიდველს გახდის აღნიშნულ ფასიან ქაღალდებს ინვესტორებისთვის. ობლიგაციების ვადა 2 წელია და მისი სრულად დაფარვა მოხდება 2022 წლის 31 აგვისტოს. განთავსების აგენტი, როგორც ყველა წინა შემთხვევაში აქაც “გალტ & თაგარტია“.

“მოხარულები ვართ იმ ფაქტით, რომ “საქართველოს სალიზინგო კომპანიამ“ კიდევ ერთხელ, უკვე მეხუთედ, წარმატებით განათავსა ობლიგაციები ადგილობრივ ბაზარზე. ობლიგაციებზე მოთხოვნამ ჩვენს მოლოდინს გადააჭარბა, რაც ძალიან სასიხარულოა, განსაკუთრებით იმის გათვალისწინებით თუ რა მოვლენებია დღეს მსოფლიოში. ეს ყველაფერი, რა თქმა უნდა, ჩვენი კომპანიის ძალიან მაღალ სანდოობაზე და „გალტ & თაგარტის“ მაღალ პროფესიონალიზმზე მეტყველებს. გვეამაყება ის ფაქტიც, რომ ჩვენი და “გალტ & თაგარტის“ თანამშრომლობა უკვე წლებია ასე წარმატებულად გრძელდება“ - განაცხადა საქართველოს სალიზინგო კომპანიის გენერალურმა დირექტორმა, ელდარ ახვლედიანმა.

“მოხარული ვარ ავღნიშნო “გალტ & თაგარტის“ როლი “საქართველოს სალიზინგო კომპანიის“ ობლიგაციების წარმატებით განთავსებაში. ტრანზაქციას დიდი გამოხმაურება მოჰყვა ინვესტორების მხრიდან, რის შედეგადაც  მაღალი მოთხოვნა დაფიქსირდა. კიდევ ერთი წარმატებული განთავსება მეტყველებს როგორც “საქართველოს სალიზინგო კომპანიის“ სანდოობაზე, ისე ზოგადად საქართველოში მსგავს ტრანზაქციებზე ინვესტორების მხრიდან ნდობის ზრდაზე, რაც ქვეყნის ეკონომიკისთვის ძალიან მნიშვნელოვანია, რადგან ეს არის კომპანიებისთვის დაფინანსების კიდევ ერთი მეტად ხელსაყრელი წყარო. მინდა მივულოცო “გალტ & თაგარტის“ მთელ გუნდს, რომელიც საკუთარი  გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში. - განაცხადა “გალტ & თაგარტის“ მმართველმა დირექტორმა - ოთარ შარიქაძემ. 

შპს საქართველოს სალიზინგო კომპანიის” შესახებ:

შპს “საქართველოს სალიზინგო კომპანია“ “საქართველოს ბანკის“ ჯგუფის წევრი კომპანიაა, რომელიც 2001 წლიდან ოპერირებს საქართველოს ბაზარზე და ყველაზე გამოცდილია სალიზინგო მომსახურების სფეროში. ის იყო პირველი სალიზინგო კომპანია, რომელმაც მომხმარებლებს საქართველოში შესთავაზა ლიზინგი, როგორც დაფინანსების ალტერნატიული წყარო და ამ მისიას დღესაც წარმატებით ახორციელებს. საქართველოს სალიზინგო კომპანია ფიზიკურ პირებთან ერთად დამწყებ, მცირე, საშუალო და მსხვილ ბიზნესებს სალიზინგო მომსახურების მრავალფეროვნებას სთავაზობს, მათ შორის: ფინანსურ, საოპერაციო და უკულიზინგს.  დამატებითი ინფორმაციისთვის ეწვიეთ:  www.leasing.ge

სს გალტ & თაგარტი“-ს შესახებ:

საინვესტიციო ბანკი - საქართველოში ლიცენზირებული საბროკერო კომპანია “გალტ & თაგარტი“, მომხმარებელს სთავაზობს, მომსახურების სრულ სპექტრს: კორპორაციული საკონსულტაციო მომსახურება, კერძო კაპიტალის მართვა, დაგროვილი ქონების მართვა, საბროკერო მომსახურება და კვლევა. დამატებითი ინფორმაციისთვის, ეწვიეთ: www.gt.ge

ჩვენ გირჩევთ

ავიაინდუსტრიაში სამუშაო ადგილები, შესაძლოა, წლის ბოლომდე 0,5 მლნ-ით შემცირდეს

ახალი რეალობის პირისპირ

ავიაინდუსტრიაში სამუშაო ადგილები, შესაძლოა, წლის ბოლომდე 0,5 მლნ-ით შემცირდეს

ავიაინდუსტრიაში სამუშაო ადგილები, შესაძლოა, წლის ბოლომდე 0,5 მლნ-ით შემცირდეს

 

წინა სტატია

რამდენი მილიონი ლარის შემოსავალი აქვს "თეგეტა მოტორსს"
02 September, 2020

შემდეგი სტატია

Deutsche Bank-ის CEO: "უამრავ კომპანიას შემცირებული გაყიდვებით მუშაობა კიდევ დიდხანს მოუწევს"
03 September, 2020
ილონ მასკი: ოთხი კოვიდ-ტესტი ჩავიტარე, მათგან ორი დადებითი იყო, ორი უარყოფითი
ახალი ამბები ქართულად | Nov, 13, 2020
მთელი ქალაქი შენს სმარტფონში
ინტერვიუ | Nov, 23, 2020
ესპანეთში COVID-ინფიცირებული ჰოსპიტალიზებული პაციენტების 82%-ს D ვიტამინის ნაკლებობა აქვს - კვლევა
ახალი ამბები ქართულად | Nov, 02, 2020
Forbes Georgia in EnglishForbes WomanForbes Banker