Pfizer-ის კორონავირუსის საწინააღმდეგო ვაქცინა, შესაძლოა, ამერიკელებს წლის ბოლომდე მიეწოდოთ

Pfizer-ის კორონავირუსის საწინააღმდეგო ვაქცინა შესაძლოა ამერიკელებს წლის ბოლომდე მიეწოდოთ, თუ დადგინდა, რომ ის უსაფრთხო და ეფექტურია. ამის შესახებ კომპანიის აღმასრულებელმა ხელმძღვანელმა ალბერტ ბურლამ განაცხადა.

ვაქცინის მწარმოებელს ბოლო ფაზის ტესტირებების შესახებ მთავარი მონაცემები დაახლოებით ოქტომბრის ბოლოსთვის უნდა ჰქონდეს, ხოლო თუ მას ამერიკის წამლისა და საკვების ადმინისტრაცია დაამტკიცებს, კომპანია მზადაა ასობით ათასი დოზა ვაქცინა მიაწოდოს ქვეყანას.

პანდემიის გამო, აშშ-ის ჯანდაცვის უწყება და ბიოფარმაცევტული კომპანიები ვაქცინის შექმნის პროცესს აჩქარებენ. ვაქცინის კანდიდატების შემოწმების ფაზებს აფინანსებს მთავრობები, ასევე ინვესტორები და დაინტერესებული პირები.  

ამერიკული ფარმაცევტული გიგანტი კომპანია Pfizer-ი ვაქცინაზე გერმანულ კომპანია BioNTech-თან ერთად მუშაობს. ივლისში აშშ-ის მთავრობამ განაცხადა, რომ ამ კომპანიებს $1.95 მილიარდს გადაუხდიდა, რათა მათ ეწარმოებინათ 100 მლნ დოზა ვაქცინა, თუ დამტკიცდებოდა რომ ის უსაფრთხო და ეფექტურია. ამერიკის მთავრობამ კომპანიებთან შესაბამისი შეთანხმებაც გააფორმა.

როგორც კომპანია Pfizer-ის ხელმძღვანელმა განაცხადა, მათ უკვე $1.5 მილიარდის ინვესტირება მოახდინეს პოტენციური ვაქცინის შექმნის პროცესში. მისივე თქმით, თუ ვაქცინამ არ გაამართლა, ეს კომპანიისთვის უდიდესი ფინანსური ზიანი იქნება.

ცნობისთვის, Pfizer-ი ერთ-ერთია იმ სამ კომპანიას შორის, რომლის ვაქცინის კანდიდატიც შემოწმების ბოლო ფაზაზე იმყოფება. დანარჩენი ორი კომპანია, რომლებიც ასევე მოწინავე პოზიციებზე არიან Moderna და AstraZeneca-ა.

ჩვენ გირჩევთ

Louis Vuitton-ი ბრენდული ფარების წარმოებას იწყებს

რას უნდა ველოდოთ მიმდინარე კვირას? – მთავარი ეკონომიკური მოვლენები

Louis Vuitton-ი ბრენდული ფარების წარმოებას იწყებს

Louis Vuitton-ი ბრენდული ფარების წარმოებას იწყებს

წინა სტატია

საქართველოში მოქმედი ავიაკომპანიების რეიტინგი
14 სექტემბერი, 2020

შემდეგი სტატია

Pfizer coronavirus vaccine could be given to Americans before end of the year, CEO says
14 სექტემბერი, 2020
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker