ევროპის რეკონსტრუქციის და განვითარების ბანკის (EBRD) მმართველთა საბჭომ ორგანიზაციის ახალ პრეზიდენტად ოდილ რენო-ბასო აირჩია. EBRD-ის პრეზიდენტის არჩევნებში სულ სამი კანდიდატი იღებდა მონაწილეობას, მათგან ერთადერთი ქალი სწორედ ის იყო.
ამ დრომდე ოდილ რენო-ბასო საფრანგეთის სახელმწიფო ხაზინის ხელმძღვანელის პოსტს იკავებდა. ოდილ ბასო 2016 წლამდე საფრანგეთის სახელმწიფო საინვესტიციო ფონდის – Caisse des dépôts et consignations-ს ხელმძღვანელობდა. უფრო ადრე კი ის ევროკომისიასა და ევროპულ საბჭოში სხვადასხვა აღმასრულებელ თანამდებობას იკავებდა.
EBRD-ის პრეზიდენტის არჩევნებში მისი კონკურენტები იყვნენ:
● თადეუშ კოშინსკი, რომელიც ამჟამად პოლონეთის ფინანსთა მინისტრის პოსტს იკავებს. კოშინსკი 2019 წელს გახდა ფინანსთა მინისტრი, იქამდე ის მინისტრის მოადგილის პოსტს იკავებდა. 1997-2015 წლებში კი ის ესპანური Santander Bank-ის პოლონურ მიმართულებას ხელძღვანელოდა;
● პიერ კარლო პადოანი, რომელიც ამჟამად იტალიის პარლამენტის წევრია. პადოანი 2014-2018 წლებში იტალიის ეკონომიკის მინისტრის პოსტს იკავებდა. 2007 წელს მან OECD-ის გენერალური მდივნის მოადგილის პოსტი დაიკავა, 2009 წელს კი პარალელურად ამავე ორგანიზაციის მთავარი ეკონომისტიც გახდა. 2001-2005 წლებში კი საერთაშორისო სავალუტო ფონდში, რამდენიმე ქვეყნის მიმართულებას ხელმძღვანელობდა;
ივლისში სერ სუმა ჩაკრაბარტმა პრეზიდენტობის ორი ვადის დასრულების შემდეგ, დაკავებულ პოსტი დატოვა. მან EBRD-ის პრეზიდენტის არჩევნებში 2012 და 2016 წლებში გაიმარჯვა. 3 ივლისიდან კი ბანკს დროებითი მმართველის რანგში
იურგენ რიგტერინკი ხელმძღვანელობდა.
დატოვე კომენტარი
