2025 წლის 11 თვეში საქართველოში მოქმედი კომერციულის ბანკების მოგებამ 2.98 მილიარდი ლარი შეადგინა. ეს წინა წლის ანალოგიურ პერიოდთან შედარებით 126 მილიონი ლარით, ანუ 4%-ით გაზრდილი მაჩვენებელია.
თითქმის 1.5 მილიარდი ლარის მოგებით პირველ ადგილს საქართველოს ბანკი იკავებს. მაჩვენებელი წლიურად 7%-ით არის გაზრდილი. მეორე ადგილზე კი თიბისი ბანკია, რომელმაც მიმდინარე წლის 11 თვეში 1.1 მილიარდ ლარზე მეტი მოგება მიიღო. თიბისის შემთხვევაში მაჩვენებელი წლიურად 3%-ით გაიზარდა. მესამე პოზიციაზე ლიბერთი ბანკია, რომლის მოგებამ საანგარიშო პერიოდში 115 მილიონი ლარი შეადგინა, წლიურ ჭრილში 12%-ით მეტი.
იხილეთ ასევე: ტოპ-10 ბანკი საკრედიტო პორტფელის ზრდის მიხედვით
აღსანიშნავია, რომ 2025 წლის 11 თვეში ზარალზე ოთხი კომერციული ბანკია. საანგარიშო პერიოდში ყველაზე დიდი, 54.8 მილიონი ლარის ზარალი კი ვითიბი ბანკმა განიცადა. ისიც უნდა ითქვას, რომ ამ ბანკს 2022 წლის თებერვალში რუსეთის უკრაინაში შეჭრის გამო დაწესებული სანქციების გამო ოპერირება ფაქტობრივად შეჩერებული აქვს. 22.6 მილიონი ლარის ზარალი აქვს სილქ ბანკს, ჰეშბანკის ზარალი 10 მილიონ ლარს, პეისერას ზარალი კი 1.3 მილიონ ლარს შეადგენს.
ქართული ბანკების მოგების მაჩვენებლები (2025 წლის 11 თვე):
| # | ბანკი | მოგება (მლნ ლარი) |
| 1 | საქართველოს ბანკი | 1,497 მლნ ლარი |
| 2 | თი-ბი-სი ბანკი | 1,113 მლნ ლარი |
| 3 | ლიბერთი ბანკი | 115 მლნ ლარი |
| 4 | ბაზის ბანკი | 100 მლნ ლარი |
| 5 | კრედო ბანკი | 81 მლნ ლარი |
| 6 | ქართუ ბანკი | 40 მლნ ლარი |
| 7 | პროკრედიტ ბანკი | 28 მლნ ლარი |
| 8 | ტერა ბანკი | 27 მლნ ლარი |
| 9 | ხალიკ ბანკი | 18 მლნ ლარი |
| 10 | მიკრობანკი კრისტალი | 15.2 მლნ ლარი |
| 11 | იშ ბანკ | 13.9 მლნ ლარი |
| 12 | ზირაათ ბანკი | 6.3 მლნ ლარი |
| 13 | მიკრობანკი ემბისი | 6.3 მლნ ლარი |
| 14 | პაშაბანკი | 1.5 მლნ ლარი |
| 15 | პეივბანკი | 1.3 მლნ ლარი |
| 16 | პეისერა | -1.3 მლნ ლარი |
| 17 | ჰეშბანკი | -9.8 მლნ ლარი |
| 18 | სილქ ბანკი | -22.6 მლნ ლარი |
| 19 | ვი-თი-ბი ბანკი | -54.8 მლნ ლარი |
