მსოფლიოში ყველაზე ძვირადღირებული ბრენდების 2025 წლის რეიტინგში ამერიკული ტექნოლოგიური კომპანიები დომინირებენ. Brand Finance-ის უახლესი ანგარიშის თანახმად, სიაში პირველ ოთხ პოზიციას Apple-ი, Microsoft-ი, Google-ი და Amazon-ი იკავებენ.
აღნიშნული კომპანიების ბრენდების ჯამური ღირებულება თითქმის 1.8 ტრილიონ დოლარს შეადგენს, რაც სიაში შემდეგი 20 ბრენდის ჯამურ ღირებულებაზე მეტია.
Brand Finance-ი ბრენდის ღირებულებას მარკეტინგული ინვესტიციების, ბრენდის სიძლიერისა და ფინანსური მაჩვენებლების საფუძველზე აფასებს. ის 500 ყველაზე ძვირადღირებული ბრენდის რეიტინგს გვთავაზობს, ჩვენი სტატიისთვის კი აქედან ტოპ-25 ბრენდი შევარჩიეთ.
რეიტინგში პირველ ადგილს Apple-ი იკავებს 574.5 მილიარდი დოლარით. მის შემდეგ კი მოდის Microsoft-ი (461.1 მილიარდი დოლარი), Google-ი (413.0 მილიარდი დოლარი) და Amazon-ი (356.4 მილიარდი დოლარი). ხუთეულს 137.2 მილიარდი დოლარით Walmart-ი ასრულებს, რაც ტექნოლოგიურ ტიტანების მხარდამხარ საცალო ვაჭრობის გიგანტის მდგრადობაზე მიანიშნებს.
ტოპ-10 ბრენდიდან ექვსი ამერიკული ტექნოლოგიური კომპანიაა ან მათი შვილობილი, მათ შორისაა Apple-ი, Microsoft-ი, Alphabet/Google-ი, Amazon-ი, Meta/Facebook-ი და ახალბედა Nvidia. ამ ფირმების ბრენდების ღირებულება ერთად 2.1 ტრილიონ დოლარს აჭარბებს.
2025 წლის ერთ-ერთი გამორჩეული მოვლენა ტოპ-10-ში Nvidia-ს ნახტომია. მისი ბრენდის ღირებულება 87.9 მილიარდ დოლარამდე გაიზარდა, რაც ხელოვნური ინტელექტის მიმართულებით კომპანიის პოტენციალის ზრდის დამსახურებაა. თითქმის 100%-იანი წლიური ზრდა სწორედ AI-ბუმს, რომელმაც ინვესტორების განწყობა და ბრენდის გარშემო საზოგადოების ცნობიერება შეცვალა.
ჩინურ კომპანიებს შორის დომინანტი ტექნოლოგიური ბრენდი TikTok-ია, რომელიც რეიტინგში მეშვიდე ადგილზეა. TikTok-ის ბრენდის ღირებულება 2025 წელს 20 მილიარდ დოლარზე ოდნავ მეტით გაიზარდა, რაც გლობალურ სოციალური მედიის ლანდშაფტზე მის მზარდ გავლენას ასახავს.
2025 წლის 25 ყველაზე ძვირადღირებული ბრენდი:
| # | ბრენდი | ღირებულება (მლრდ.) | ქვეყანა |
|---|---|---|---|
| 1 | Apple | $574.5 | აშშ |
| 2 | Microsoft | $461.1 | აშშ |
| 3 | $413.0 | აშშ | |
| 4 | Amazon | $356.4 | აშშ |
| 5 | Walmart | $137.2 | აშშ |
| 6 | Samsung Group | $110.6 | სამხრეთი კორეა |
| 7 | TikTok/Douyin | $105.8 | ჩინეთი |
| 8 | $91.5 | აშშ | |
| 9 | NVIDIA | $87.9 | აშშ |
| 10 | State Grid Corporation of China | $85.6 | ჩინეთი |
| 11 | T | $85.3 | გერმანია |
| 12 | $79.9 | აშშ | |
| 13 | ICBC | $79.1 | ჩინეთი |
| 14 | China Construction Bank | $78.4 | ჩინეთი |
| 15 | Verizon | $72.3 | აშშ |
| 16 | Agricultural Bank of China | $70.2 | ჩინეთი |
| 17 | Home Depot | $65.1 | აშშ |
| 18 | Toyota | $64.7 | იაპონია |
| 19 | Bank of China | $63.8 | ჩინეთი |
| 20 | Moutai | $58.4 | ჩინეთი |
| 21 | Oracle | $57.4 | აშშ |
| 22 | UnitedHealthcare | $54.2 | აშშ |
| 23 | Mercedes-Benz | $53.0 | გერმანია |
| 24 | AT&T | $52.5 | აშშ |
| 25 | Allianz Group | $49.8 | გერმანია |
